|
عديت بمرقبن والليل ممسيني عدّيت في مرقب ٍ و الليـل ممسينـي بديـار غُـرب ٍ لعـلّ السيـل مــا جـاهـا أضحك مع اللي ضحك و الهمّ طاويني طيّـة شنـون الـعـرب لا قـطّـروا مـاهـا وراك مــا تزعجـيـن الـدمــع ياعـيـنـي علـى هنـوف ٍ جديـد اللبـس يزهـاهـا هبّت هبوب الشمال و بردهـا شينـي مــا تـدفـي الـنـار لــو حـنـا شعلنـاهـا مـا يدفـي إلا حشـا مريوشـة العينـي و إليـا عطشـنـا شربـنـا مــن ثنايـاهـا ابــو عـيـون ٍ لـيـا سـلـهـم تناجـيـنـي يـاقـرد عـيـن المشـقّـا كـيـف يقـواهـا يـا شبـه وضحـى فـتـاة ٍ دلّـهـا زيـنـي داجـت علـى عقلـة ٍو الــورد ماجـاهـا يا علّ من شار بالفرقى عمى العيني مخبـاط صمعـاً جليـل الفخـذ يشظاهـا جعله حسيـر ٍ كسيـر ٍ و راكبـه دينـي و أتـلـى حـلالـه ذلــول ٍ راح يـطـلاهـا |
رد: عديت بمرقبن والليل ممسيني أضحك مع اللي ضحك و الهمّ طاويني طيّـة شنـون الـعـرب لا قـطّـروا مـاهـا ذوق ذوق قليل فيك يعطيك الف عاافيه |
رد: عديت بمرقبن والليل ممسيني سمو الاحساس الظاهر ولله العالم ان هذي اول قصيده مغناه في المملكه غناها سلامه العبدالله قبل فتره طويله جداً حوالي حول خمسه وربعين عام ماقصرت على النقل الجميــــــــــ ـــــل |
رد: عديت بمرقبن والليل ممسيني وهج السهوول اشكرك اشكرك اشكرك لاعدمتك |
رد: عديت بمرقبن والليل ممسيني جساس كلامك صحيح قديمة جدا بس عاد بالضبط كم لها مادري سرني مرورك يالغالي لاعدمتك |
| الساعة الآن 09:48 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..