مجالس الرويضة لكل العرب - عديت بمرقبن والليل ممسيني

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

- - عديت بمرقبن والليل ممسيني (http://www.rwwwr.com/vb/t27972.html)

عديت بمرقبن والليل ممسيني

عدّيت في مرقب ٍ و الليـل ممسينـي

بديـار غُـرب ٍ لعـلّ السيـل مــا جـاهـا

أضحك مع اللي ضحك و الهمّ طاويني

طيّـة شنـون الـعـرب لا قـطّـروا مـاهـا

وراك مــا تزعجـيـن الـدمــع ياعـيـنـي

علـى هنـوف ٍ جديـد اللبـس يزهـاهـا

هبّت هبوب الشمال و بردهـا شينـي

مــا تـدفـي الـنـار لــو حـنـا شعلنـاهـا

مـا يدفـي إلا حشـا مريوشـة العينـي

و إليـا عطشـنـا شربـنـا مــن ثنايـاهـا

ابــو عـيـون ٍ لـيـا سـلـهـم تناجـيـنـي

يـاقـرد عـيـن المشـقّـا كـيـف يقـواهـا

يـا شبـه وضحـى فـتـاة ٍ دلّـهـا زيـنـي

داجـت علـى عقلـة ٍو الــورد ماجـاهـا

يا علّ من شار بالفرقى عمى العيني

مخبـاط صمعـاً جليـل الفخـذ يشظاهـا

جعله حسيـر ٍ كسيـر ٍ و راكبـه دينـي

و أتـلـى حـلالـه ذلــول ٍ راح يـطـلاهـا