آلبلـآ ..وآلغريبه..وال عجب.. والقهـر.!!!

#1 (**permalink**) 10-08-2009, 08:08 PM

قـوم ياليـل عـجّـل لايـطـول الـغـروب
لوّ ماطـاب لـ.. جفـون العيـون / السهـر
بس تدري وش اللـي حدنـي لـ.. الهـروب
ودّي اسمع بـ.. صدّك ( ياصباح الطهـر ) ,
فـاقـدٍ قـلـب لا والله ( فـاقـد قـلـوب )
مادرت ( ساعه بـ.. هجر الحبايب / شهر ) !
كيف لاضقـت بـ.. الفرقـا تغيـب الـدروب
وكيف يبخل على العطشان / مـاي النهـر ؟
وكيف ابنسى وانا اللـي لاصدفـت الهبـوب
يطري العـود , لامـن مـال معـه الزهـر !
من حلاها لو ( الشاهـي تذوقـه / تـذوب )
ومن غلاها لـو ( أبنسـى ) يبيلـي دهـر !
ولو هجـر الحبايـب عـن حبيبـي , يتـوب
كان قدمت ( دمعي / لـ.. المواصل , مهـر )
اسرفت بـ.. الدموع وبـ.. الجفـا والذنـوب
كنّها تقول :- ( عينـك ماوراهـا ظهـر ) !!
وانـت ياليـل وينـك لايـطـول الـغـروب
مابقـى شـي مـن قـو الجـفـا ماظـهـر
غير حاجه بـ.. صوب وكل حاجه بـ.. صوب
( البلا , والغريبه , والعجب , والقهـر ) :-
كـل ماجتنـي الضيقـه / نصيـت الـدروب
ولادريت إلا انا ياليـل ( وسـط الظهـر ) !!

#2 (**permalink**) 10-08-2009, 08:24 PM

كلي حـلا ~

لله درك يامبدعه

قصيده موجعه حملت بين ثنآيآها الكثير من الالم

جزالـه اعتدنا عليها وحضور طاغي تستهويه ذآئقتي

دمت ِ بتلك الروعــــه ودام عبقك

تحيتي ~

#3 (**permalink**) 10-08-2009, 10:37 PM

المشاركة الأصلية كتبت بواسطة الفجر البعيد

كلي حـلا ~

لله درك يامبدعه

قصيده موجعه حملت بين ثنآيآها الكثير من الالم

جزالـه اعتدنا عليها وحضور طاغي تستهويه ذآئقتي

دمت ِ بتلك الروعــــه ودام عبقك

تحيتي ~

الفـجـر البــعيد سرني مرورك الدائم~|