( مســــــــــــا حه لـــ أمي )

#16 (**permalink**) 28-10-2009, 06:44 AM

عندما لا أجد ما أقدمه ليعبر عن مــــدى حبي غير الحروف . .
عندمــــا يكون المخــــلوق مــــلاكاً . . فبمَ تصفه . .؟؟

يمـــّه . .
يمه أبسكب في عروقك حنيني
_______ واْروي غلاك اللي ظماني ولا جف ّ
**

كم لي أنوّر من عيونك جبـيـني
_______ وأقبّل يدينك من الكف ّ للكف ّ
**

كم لي و أنا اغسل من دموعك يديني
_______ وأطهّر أركاني بها قبل تنشف ّ
**

يمه ولا من قد نستني سنيني
_______ تغمرني الرحمه من يديك والعطف
**

وليا سكني برد عمري تجيني
_______ إتلبّس أعماقي من دفاك معطف
**

وشلون أشكّل لك غلا خبريني !
_______ وشلون أببني في سما طيبتك سقف ؟
**

وشلون أصيغ أفضالك بكلمتيني
_______ لا صارت كبار الجمل بـ(ابسطك ) حرف !
**

وشلون أبزهد فيك وانت جنيني
_______ في داخلي يمه لك أغصان تلتف ّ
**

يا اغلى بشر بالارض شافته عيني
_______ تعال اخذني من شقا عمرك وشف ّ
**

لو تزرعيني لك ( أمل ) تحصديني
_______ ولو تقتليني متّ ما قلت لك : ( أفّ ) !
**

لو تضحكي شقّ الأمل نبض عيني
_______ وإن شفت دمعاتك لك العين تذرف
**

إلي كتبت الحين ما هو حنيني
_______ ولا يمثّل ربع حبك ولا نصف
**

ما هو القصيد اللي بيوصفك فيني
_______ حبك عجز لا ياصله شعر أو وصف
**

مصحوب يمه حبك بنهج ديني
_______ ما هو على كيف العوايد ولا العرف
**

غصبا عليّ أغليك ما هو بيديني
________ يا جنة الدنيا و يا منبع اللطف
**

يمه عساه الموت دايم يبيني
________ إن قلت لك : لبيه ! وبقلبي الــ( الأف ّ )

لطـــهرها !

الله يحفظ جميع امهات المسلمين ويرحم من توفى منهون

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ترحيب خاااااااص لـــ ( قــمــرهــم كــلـــهـــم )	محمد	مرفأ البداية وروح التواصل	10	14-08-2009 03:54 AM
بآقة ورد وشكــر لـــ............؟؟؟؟!!!	آلعوٍد آلازٍرٍقـ	مرفأ البداية وروح التواصل	11	23-05-2007 02:52 PM
هـــ....ـــل مـــ...ـــن مـــ...ـــرٍحـــ...ــــب.....!	دعـآنـي آلـشـوق	مرفأ البداية وروح التواصل	14	29-01-2007 03:44 AM
تـحـيـة قوية لـــ ( هـــمــام )	ابو نـــmkـــواف	مرفأ البداية وروح التواصل	10	08-12-2006 11:14 PM

مرفأ البداية وروح التواصل