البراقع

ما هقيـت ان البراقـع يفتننـي
لين شفت ظبا النفـود مبرقعـات


الله اكبـر يـا عيـون ناظرنـي
فاتنـات ناعسـات سـاحـرات


في هواهن يا سعد كيف اطرحني
راع عمري من مودتهـن فـوات


كان مما صابنـي مـا عالجنـي
أوكـاد انـي خطيـر بالممـات


يا سعد خبر ظريف الطول عنـي
كان وده لي بعمـر فـي الحيـاة


من نظرني بس أهوجس به وأوني
ما تركني هاجسي لو في مباتـي

قصيدة ( من زمان اهل البراقع عذبنـي )
الشاعر : عبد الرحمن ابن علي المبارك

من زمان اهل البراقـع عذبنـيأ
شهد ان أهـل البراقـع مفتنـات


يمنعن شوف الحسن والزين عني
ما هجانـي شوفهـن مبرقعـات


ما حلاهن دون برقع لا انظرنـي
بالوجيـه مفرعـات سـافـرات


مبسم وأنف كما الهنـدي وسنـي
والخـدود ورود زهـرا متفحـات


والحواجب دورة النـون افتننـي
بالجبيـن وبالجمـال مكـمـلات


والعيون اللي كما سيوف تسنـيي
ذبحن بهـا الغريـم بـلا ذكـات


لا نظرن واغظن بهن عمد اقتلني
دون جرم مـا يحاتـون الفـوات


ليتهن يـوم اطرحنـي ساعدنـي
بالوصال وبالوعـود الصادقـات


يحسبون ان العشق ماهوب فنـي
ما دروا أني به إمام فـي الحيـاة


عن صلاتي مع صيامي أشغلنـي
واودعني في سكـرات وغمـرات


كيف اسوي ش الحول والقلب مني
في هواهن ما يمل من الشكـات


قيدنـي بقيـد حبـس واتركنـي
بين اياديهـن مقفيـات مقبـلات


ربما لي أو عساهـن يرحمنـي
في حياتي من قبل وقت الممـات