| |
29-07-2009, 06:48 AM
| |||||||||
| |||||||||
" تعريفـ المُحَـال "  : جاني واحد قال : بسأل كم سؤال وقبل يسأل قلت : أنا ماني خبير ! قال: جاوب بس , يا ولد الحلال وكل كلمه حِطَّهَا .. فبيتٍ صغير قال نبدي : شنهو تعريف المُحال..؟ قلت : خَل الكلمهـ فـ الشطر الأخيـر ..! القهر : إن شفت دمعـات الرجال والوطن : ( إنسان ) .. مِتغيِّر كثير والطفل : لعبه على شاطـي الرمال والأمل : إحساس في عين الضرير الوفا : [ قلبين ] .. يجمَعهُم حلال والرَجُل : اللـي علـى أهلـه يغير والرجا : لا قلت : للواطـي تعال والفشل : مدري .. ولكنـه مرير الشعر : في وقتنا .. بدر وطلال وكان أوَّل : حيـل يعجبنـي جرير ..! والغلا : إحساس إلى حَـد الخيال والعِشِق : لا شفت مَعشُوقِك تطير والجفا : إعكس مفاهيم / الوصال والوَصِل : يعنـي تأكَّـد فيك خير والعقل : تِسْفَـه أقاويـل الجهال والجهل : إن قلت عن نفسك كبير والخطر : لا صار ما عندك مجال والبلا : إن صرت معدوم الضمير والعجب : لا صرت تسأل منهو قال والتعب : إن كنت تِبْحَثْ عن مصير الغنى : بالنفس ما هو راس مال والفقر : من كان .. بأعماله فقير يكفي يكفي .. أسئله إنهي الجدال ويالله علمني عَن .. السِّر الخطير ما أبي تضرب لي في غيرك مثال قول : عنِّك وإعتبر سِرِّك في بير جات طعنـه مِن جنوبك والشمال يعني وضعِك بين مِن حُولك خطير صاحبـي وإن ضاقت بعينك ليال لك فرشت القلب مفروش الحرير في [ بلاد الحلم ].. ممنوع العقال والمصيبه الشعب ما أختار الأمير وما ألومك .. كان شدِّيت الرحال دام بيتك جرح / وفراشك حصير هذا تعريفي إلى كلمة : مُحَال شي ودِّك فيه ولا يمكن يصير ..! : أحمد الصانع 
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| "الزعيم" و"العميد" و"فارس الدهناء" يبدأون مشوارهم الآسيوي | تركي عفيش | الرياضة والشباب | 3 | 26-01-2011 09:39 AM |
| القحطاني يرد على مصور قناة الكأس"هذه قلة أدب" والمذيع"ما عليك منه ياياسر" مرفق فيديو" | تكفيني الذكرى | الرياضة والشباب | 16 | 29-04-2010 10:26 AM |
| الاتصالات" و"موبايلي" أكثر من مليون رسالة لبرنامج "شاعر المليون" في أسبوعه الأخير | محمد السهلي | نشيد الروح | 5 | 25-04-2008 02:46 PM |
| ـــ هلا " بالخيانة " ... " هلا بالغــدر "... " وقمة النذاله "ــــ | محمد بن فهد | نشيد الروح | 15 | 11-04-2008 04:26 PM |
| شعبان عبد الرحيم "يتوسط بأغنية" للمصالحة بين "فتح" و"حماس" | محمد | افق تكنولوجي | 10 | 22-07-2007 04:57 AM |
 |  |
العرض الشجري
