والركعه اللي تعبت بعض العرب صليتهاا ..!!

أولا جزيل الشكر من وجه لي الدعوة بالإنظمام إلى هذا الصرح الشامخ بأهله


ومن ثم أضع أمامكم هذه المتواضعه لعلها أن تنال الرضى ..!






,,

عامين مرت ياحمد والعلم في وسط الضميـر=مخفيه مع جملة طواري فالضميـر أخفيتهـا
واليوم كنه في حشايـه بـه رحـاة تستديـر=واقوم فازع من منامـي كـل مـا حسيتهـا
أشيل حمل ما يشيلـه ياحمـد متـن البعيـر=وليـا رثـع راع الحمـول الكايـده شليتهـا
وياشينها لا من رغا ياصاحبي عقب الهديـر=راع الحمول اللي متونـه للحمـول أركيتهـا
ماجيت شاكي يالخوي لـو الوقايـد تستعيـر=مـار الحبـال اللـي تـودي للوفـا مديتهـا
العلم شي باختصـار يخلـي العاقـل يحيـر.!1=الرفقه اللـي مـا تنومـس فالخـلا كبيتهـا
الرفقه اللي مايـذري صيتهـا يـوم الهجيـر=والله لن تبطي عظم وتمـوت مـا خاويتهـا
ماهو غرور ولا تغطرس وأنت بالحاله خبيـر=ياكود نفسي عن دروب أهل الـردى عليتهـا
الحر يكفخ بالجنـاح ولا كفـخ طبعـا يطيـر=ولا النعامـه لا اكفخـت ياليتهـا ياليتـهـا
أقول قولي واحشمه لا صاح صيـاح النذيـر=في يوم ولد اللاش يشرك خيتـه فـي زيتهـا
وانا أحمد الله مغتني ياصاحبـي مانـي فقيـر=كنز المراجل مكسبي والحـي يـارث ميتهـا
وأنا وريث الشايب اللي مـاورد هاك الغديـر=ولا ورد غير العـدود اللـي يـروي صيتهـا
لبست ثوب المرجله من عادني ورع صغيـر=والركعه اللي تعبت بعـض العـرب صليتهـا ..!1
ومن هو نشدني عن خوالي قلت له علم بصير=من روس قـوم ترتقـي بالمجـد لا عديتهـا
من آل مستور النشاما مروية حد الشطير=أهل البيـوت اللـي يـذري فالشدايـد بيتهـا
قوم ليا ثقلت على متن الضعيف والكسير=حدتك يا وقت العنا.. وتموت ما حديتها
ومدام هذا منزلي وأنقى مـن أنسـام العبيـر=وأحد من ضرب السيوف اللي معـي سليتهـا
بقولها واللي يصيـر فعقبهـا خلـه يصيـر=والله لن تبطي عظـم وتمـوت مـا خاويتهـا

وانا أحمد الله مغتني ياصاحبي مانـي فقيـر

كنز المراجل مكسبي والحـي يـارث ميتهـا

ابيات في قمة الروعه

صح لسانك عايض

الله الله...


صح لسانك...

ابرك الساعات اللي نشوفك فيها... ننتظر المزيد من قصائدك...

صح السانك
وتسلم الايادي

قصيده رائعه ,,

يعطيك العافيه ,,