مجالس الرويضة لكل العرب - يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ـو

عاد يومي ذا المره مليئ بالاكشن الي يحوم التسبد=>تسمع بتشويق خخخ
ام ناصر جت عاد ذا الشخصيه بتتعرفون عليها باليوم الي سبق وصفه هع هع
صحيت الساعه ٤ العصر عاد تعرفون نفسية الي خامده لحد العصرنفسها بخشمها ودها تجلد خلق الله وجت بنت خالتي تركض يام كشه =>تمدح بس بإستايل جديد ام ناصر جت عاد يوم جابت سيرة ناصرالولد الممشوق القوام =>اماممشوق
ومزيون صاحب العيون الكحيله الي تخق عنده اي بنت وخاصه بنات العائله ههههاي اولهم عبير الي من نقول ناصر تدعج عينهابالكحل الملون لعل وعسى يخق عليها المسيو نويصر الاجرب عاد يوم جت الشهبا تركض وقالت اسم ناصر هوالاكيد مالقطت كلمة ام كشه مالقطت الاناصر جا عاد مهوب صحصحت الاروقت وقعد افكروشلون اطيح ام ناصر في شعور الاعجاب وتخق علي ثمن تزوجني ولدها المزيون عاد تعرفون ولاوحده ماطبخت ذاك اليوم وتميلحت وكشخت عاد مااذن المغرب الا والسفره جاهزه اناماسويت شي ولاطبخت طقيت امي كوع وقلت لها يمه انتي الي مسويه القيمات قالة وجع ايه قلت تكفين قولي لام ناصر انه انا قالت افطري وانطمي والله حسيت امي بتجحدني وتسحب علي قلت طيب وافطرت بكل هدوء اول مره اسويهافي حياتي خخ الذرابه والرزانه ماتجي الامره كل كم سنه مثل الخسوف والكسوف =>تشبه بليغ
عاد ام ناصرطرت القيمات وانارحت وطي من الحياء قالت امي انها انا ابشركم ماجحدتني ومدحت البيتزا والتوست المحشي وكل وحده انصفق وجها من الحياء عاد حسيتها سامجه يوم مدحت السفره كلها المهم صلو المغرب ورجعو لسفره وطالعنا التلفزيون وكل وحده تعزم الثانيه تاخذ الريموت يعني شوفي يام ناصر ان احنامايهمنا وانا اتحقرص ابي ام بي سي وحطوالمجد لان ام ناصر تبيها وكلناتابعنا البرنامج وعاد راحويصلون العشاء الايوم رجعنا ولا امي تقول ان ناصر خطب وتشققنا وانواع الخجل قالت وش في وجيهكم تقلبت طلع خاطب وحده من بنات خاله اه يالقهر ياحسافة ذا الزين والكشخه ونصبت اللقيمات وكل وحده غيرت ملابسها ولبسناقمصان روز تخب عليها وجلسنا وسفهناها وعبير راحت تخمد وتندب حظها الشين وحلمها السراب وتابعنا التلفزيون وتعبت وخمدت عنده لحد الساعه ٣ قمت وتسحرت ورجعت أخمد وبس هذا يومي