06-10-2009, 09:54 PM
|
| |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ
 |  | |  | | ذا الموضوع طفى له فترة قلت ورا ما أنزل يومي التعيس ..,
تحبون العلوم الطيبه << آحريبها هع
كلموني الشباب قبل صلاة المغرب بخمس دقايق قالوا نبي نطلع الثمامة ونشوي زي العآدة قلت قدآآآم
قالوا خلاص تجينا في حراج بن قاسم قلت خير إن شاء الله
انا صليت المغرب وخليت جوالي بالشاحن وحملت آغراضي أدوات الشوي والفرشات والماء ويوم جيت امشي لجوالي فيه 37 مكالمة لم يرد عليها طبعاً انا اعطيكم على لغتكم اللي تعرفون ولا جوالي أنجليزي missed calls : 37 آثاريهم الشباب انا أبطيت عليهم والله آقابلهم بالمكان المتفق عليه يوم طلعنا آذن العشاء صلينا العشاء وكملنا الطريق طبعاً أنا واحد وهم أربعة صرنا 5 أشخاص سيارتي وسيارتهم أغلب الشباب أركبوا معي أما سواق السيارة الثانية راح الحالة << كرشهم هع هع
الحاصل قالوا نبي البيت عآد بيتهم في شمال الرياض << مشوآآر
وش تبون بالبيت ولا مالكم بالطويلة
الوكآد رحنا للبيت ويتصل علي واحد درى أننا بنطلع قال معكم قلت حياك الحاصل الرجال توجه للثمامة وحنا تونا في البيت ونطلع من البيت يوم ركبنا الموتر ويدق واحد والله مدري وين طلع منه ما توقعت أنه بيروح قال وينكم قلت اللحين بحي المروج وينه فيه ذا << طبعاً مايدل بالرياض قلت طريق الملك فهد تقاطع الدائري الشمالي قال آبد أنا تحت برج المملكة وجايكم والله وننتظره نص ساعة واقفين على الخط لأنه بيركب معنا
وآدق عليه
قلت وينك
قال انا اللحين ضايع
قلت وش أسم المحلات اللي حولك قال مطعم العاذرية
قلت وش غيره قال مطعم ماما نورة
قلت حسبي الله عليك يابن الذين وش موديك هناك ..تدرون وينه فيه الرجال مسك طريق الملك عبدالله ولا رده إلى حي الروضة يعني هو بشرق الرياض وأنا بشمال الرياض ويضرب القولون العصبي معي -h-
قلت انا ماشي تبينا تعال بالثمامة وواعدته بمحطة على الدرب
وتآخرنا على رفيقنا الرجال لحالة ينتظرنا وأسكر السماعة
ويدق رفيقنا اللي بالثمامة
قال وينكم
قلت جايين تونا محركين لك
قال أنا مغرز
قلت حاول تطلع الموتر وحنا مسافة الطريق جايينك اللحين
قال ذاك الرجال بيجينا ومعه خمسه من أخوياه
قلت بيجي براسه ياهلا ومرحبا أما أخوياه يشوف لهم دبره
قال آجل بعلمه
قلت زين يالله
وأسكر منه
آثاري رفيقنا اللي راح الحالة من الحراج توجه دايركت للثمامة والله لا فرشة ولا شي وحنا بعد أشغلنا ذا العلة اللي آحرق جونــا ونسينا أنه قدامنا ولا دق ولا شي << بعض الناس ينقصون علبة وهم واقفين هههه
يوم وصلنا أسطبلات الخيل في منتصف الطريق دق اللي مغرز
قال وينكم
قلت عند أسطبلات الخيل
قال معكم شاهي
قلت أبشر بالشاهي << عآآد ذا راعي كيف مايمشي إلا بالشاهي
قال أنتظركم
قلت يالله
ويوم سكرت
قلت للعيال اللي معي يالربع الرجال يبي شاهي وحنا ماجبنا شاهي وش السوات
قالوا أنت المعزب وأنت أميرنا
قلت أزهلوا الشاهي إن كانها على الشاهي تهون البلا من غيره
والله وأروح للمحطة اللي مواعد ذا العلة فيها وأشتري ثلاجة شاهي وأرسل العلة قلت أدخل المقهى وعبها شاهي وأنزل للبقالة وآخذ ماء شرب ودجاج بسابيس ومدري وش بعد ونحرك
اللحين زاد واحد اللي هو العلة أصبحنا 5 أشخاص في سيارة وحده طبعاً اللحين الساعة حول 11:30م وحنا ماوصلنا اخويانا اللي قدامنا والله ونجيهم اللحين أصبحنا 7أشخاص ونشوف لنا محل نظيف ونلبق نفرش الفرشات ونشب الضو وتو مازن الليل
ويدق واحد من العيال
قال وصفولي والله ويوصفون له العيال
ويوم زانت الجلسة وزانت السوالف ويجينا راعي دباب ويدور علينا ويغبر ويحوسنا ويدوسنا آثاريه اللي العيال وصفوا له موجود بالثمامة وملبق سيارته بعيد عشانها صغيره ومستأجر له دباب جانا عليه ويتهيضون اللي معي ويستآجرون دباب واصبح عددنا 8أشخاص ويلعبون ليلهم كله طبعاً اللي يلعبون 4أشخاص وباقي انا ومعي ثلاثة على جال ضونا نسولف وأنا ازين عده الشوي قلت بزين العشا على مايخلصون والله وازينه أحطه بالحافظة يوم خلصت من الشوي تذكرت شي ناسيه قلت لو أقولهم بيطقوني اللحين الساعة 1:30ص وين المحل اللي فاتح اللحين وآعلم الربع اللي عندي مافيه خبز ويشبون علي بالتعليق آكل عشاك اللحين كيف ناكل من دون خبز قلت دبروا حالكم قبل مايجون العيال ويروحون أثنين نشاما ويجيبون الخبز والببسي وصحون بلاستك طبعاً صحون البلاستك لخلطة سرية مسوينها الشباب بعطيكم المحتويات أما الطريقة فهي سرية المهنة المحتويات هي زبادي+طحينة+عسل +؟ عشان ماتسرقونها هع هع
وآهل الدبابات ماخلصوا من اللعب إلا الساعة 2:30ص ونحط العشا ويسري حول ثلاث اللي يبي ينام واللي عنده دوام أما حنا يالباقين 6 اشخاص أنا واحد جالسين نسولف على الضو والأربعة يلعبون بلووت
طبعاً علينا برد والله الوكآد أنا ورفيقي جانا النوم وناخذ فرشة ماعليها أحد ونتغطى بها عن البرد ونرقد رقده يحبها قلبك وآقوم 4:30ص يعني نومي ساعة ونص بس وأدور العيال مالقيتهم وأصلي ورفيقي في سبت عميق و عجزت اقومه والله وأروح اتوضى بالماء المثلج وأصلي الفجر وآخذ شوي لا ذا العيال جايينك مطعسين لين طاح اللي بروسهم ويعلموني بسوالفهم يقولون لقينا شاص مغرز نبي نساعده ومتنا من الضحك من اللي نشوفه يقولون تدور حوله سيارة 200إل ويجي راعي 200إل يقول لـ راعي الشاص تبون مساعدة قال والله لو تطلعني سيارتك أني لأشب فيه مير توكل على الله دام النفس طيبه طبعاً راعي الشاص مطرطع كيف 200إل ماتغرز وأنا يالشاص مغرز يقولون راعي الشاص من القهر يشوت الموتر برجليه
وخلصت سواليفهم قلت أنا ماشي تبون شي قالوا سلامتك حتى حنا نبي نمشي قلت يالله أنا عندي مقابلة وظيفية اليوم والله أني دايخ أبي النوم باللي هو به الوكاد رحت وصلت البيت وتروشت وطلعت دايركت لموقع المقابلة اللحين الساعة 6:30ص على وقت الزحمة ويوم مسكت طريق خريص وأكلم العيال قلت وينكم قالوا حنا لقينا أمريكي من موظفي أرامكوا صادم ووقفنا عنده يقولون ضعيف قلت الضعيف والله أنتم اللحين بيزينون موتره وبيعطون مبلغ مالي وبيرضونه وبيعطونه إجازة وهو مافيه إلا لا العافية وأنتم تقولون ضعيف
الحاصل وصلت موقع المقابلة وا،تظر حتى الساعة 9:30ص يالله يالله جو لجنة المقابلة طبعاً انا دايخ مانيب صوبهم والله وأدخل ولا هم ثلاثة أشخاص يجرون المقابلة ويسالونني اسئلة ابو7سنوات يجاوبها أنا يالله لا تبلانا جاني غبى موب صاحي والسمع تشره عليه ويالله عديت المقابلة وأوجه للبيت وأسدحها نومه ولا قمت إلا على العصر وأجلس مع أهلي قالوا أنت صايم اليوم قلت إيـ بلاه صايم بلا نية ههههههههه
وهذا هو يومي عآد انتوا قرروا هو تعيس ولا غيره أترك لكم التعليق | |  | |  |
ذيبان والله هاليوم اتعب اعلق عليه بس
زبادي+طحينة+عسل +؟ عشان ماتسرقونها هع هع
ايه وووشو وش اخترعتو علي كذا ؟
طحينه وعسل وش يطلع؟
أهلي قالوا أنت صايم اليوم قلت إيـ بلاه صايم بلا نية ههههههههه
هههههه صايم بس صايم شي ثااني هههه
يومك فله رغم المغامرات والتغبيره بس مصره اعرف وش بعد الطحينه والعسل؟
حياااااااك وعسئ ايامك سعاده  |
العرض العادي
