يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ـو

#**406** (**permalink**) 12-08-2010, 07:55 PM

تسلم الله يخليك أميرو
هاااه عساك آدبت السمبوسة اليوم

#**407** (**permalink**) 12-08-2010, 08:11 PM

حى الله ذيبان ومبروك عليك الشهر وطااب يوومك
وعساك ماتركب مع اخوى تجيك جلطه وانت طيب ياعليه سوااقه ياويحى بس

يسعد يوومك بخير وطاعه الله

#**408** (**permalink**) 13-08-2010, 04:16 AM

هاااه عساك آدبت السمبوسة اليوم

خخخخخخخخخخ افا عليك اذا ما ادبتها من يادبها

ما بقى شي ما ادبته

#**409** (**permalink**) 14-08-2010, 12:09 AM

طاب يوم مشرفتنا فراشة

أما عن نفسي راح أبدأ من حيث ما أنتهيت من صباح يوم الخميس
يوم جت الساعة 9صباحاً والله وأروح لـ الدوام طبعاً الدوام يبعد عن البيت نص ساعة وأدخل يوزري وأروح للصاله<<عندنا صاله خلف المكاتب
نجلس فيها قبل رمضان وانتغدى وانتقهوى
طبعاُ انا تكيـت في الصالة أقرأ الجرايد على مابال يجون القروب عشان نفتح الباب والله وأقرأ الجريدة وأسكرها وأدخل المكاتب ولا ذا المشرف ومساعد المشرف وأحد الزملاء موجودين وناقصنا واحد ماجاء إلى حد اللحين <<طبعاً يوم الخميس مانداوم كلنا
نص يداوم خميس والخميس الثاني يداومون الباقين , ونفتح الباب ونبدأ العمل على مابال جاء صديقنا اللي راحت عليه نومه ونسكر الباب 11:30ص عشان نخلص العملاء اللي داخل وننتهي من آخر عميل على الساعة 12:05 ونقفل اليوزرات ونصلي الظهر وكلن على بيته طبعاً انا زي ماقلت لكم في يومي السابق أني مانمت مواصل ويوم وصلت البيت ماكلمت أحد طوالي عـ غرفتي وأطق المكيف وأبدل ملابسي ونومة هنية حتى صلاة العصر وأروح أصلي وأجلس أقرأ قرآن شوي ثم جاني أتصال من حلوة اللبن ماما تفيد بإنها تبي السوق <<مع العلم أني معطي بيتنا تعليمات السوق مافيه برمضان لأني منسق معهم قبل رمضان وكان الجدول قبل رمضان بأسبوع كل يوم سوق ولا نرجع إلا العشاء
وأقضي لأمي حتى الساعة 5:55م ثم رحنا للبيت وفتحت عـ المسن أطقطق على الرسائل وبصراحة تفاجآت بآغلى المشرفين [ أمير السهول ] مرسل لي هدية من مبدأ تهادوا تحابوا.. وسبحان الله كانت ذا الهدية أدورها من زمان بس ماحصلتها , وتكيت لما أذن وأدخل المقلط آثاري ماكو أحد من أخواني <<طبعاً أخواني ماشاء الله عليهم أنا الثامن
واللي معي بالبيت أثنين وهالأثنين كانوا معزومين بالخرج ولا كو احد إلا أنا والبابا الله يطول بعمره ..قولوا أمين
وقاعدين ننتظر الآن عـ السفرة ولا الجرس يدق وأروح وأفتح الباب ولا ذا الكابتن ماجد وأعياله << أخوي من ابوي
ويفطر معنا ونصلي ونرجع بعد الصلاة ونتقهوى وعاد انا سحبت نفسي من المجلس لأنه كان فيه مساسر بين ماجد وأبوي وعاد انا قلت مالك لزوم وأفتح عـ المنتدى أبي أشوف النتائج ولانزل شي وتكيت عـ النت حتى 8:00م وأطلع انا وأختي للمسجد مسجدنا المعتاد <<المطيور
ويوم طلعنا من الصلاة قلت أبي أمر الخياط أباخذ ملابسي فصلتها قبل اسبوعين ويوم جيته ولا قروشي 170 وهو يبي 320ريال وبصراحة أنا حاسب حسابه وساحب من الصرافة العصر 500ريال قلت أتقضى لأمي وأطلع ملابسي ولكن داهمنا الوقت ويالله خلصنا على وجه المغرب , الحاصل أضطريت أرجع للصراف وألبق السيارة قطع الشارع وأصرف وأرجع لأختي ويوم جيت ولاهي ماتخلي حركاتها اتطلع سيدي واتدخل سيدي والموتر طفى عليها وهي ماتدري ويوم جيت ولا الموتر المسجل شغال والأنوار شغالة بس الموتر مايشتغل وأطفي الأنوارو المكيف والمسجل وأشغل الموتر ولا البطارية فاضية وبصراحة طرطعت من ذا الموتر<<موتري ماخذينه ومسافرين عليه أخواني للخرج وانا ماخذ موتر اخوي ذا الخردة
وأفتح الكبوت أطق أصابع البطارية لين أشتغل وأمر الخياط وأخذ ثوبي وحنا في طريقنا للبيت قالت أختي ابي الخياط وأوقف عند الخياط وانا على أعصابي لأن الموتر يمشي بدون انوار ولا مسجل ولامكيف وآخيراً خلصت وسيده عـ البيت وأطفي الموتر عند البيت وأنطل مفتاحه في البيت على الساعة 9:30م وأكلم خالد ولد عمي قلت مرني عشان نروح للأستراحة قال أنا اللحين أبيك تمرني أطلع سيارتي من الورشة ثم قال أنت تعال اللحين ونتفاهم والله واطلع وأقابله ويدق على علي ولدي عمي ثاني ويمرنا ونروح لسياره خالد في الورشة ولا سيارته مابعد خلصت ثم جاء عنده شغل وقال نزلوني بالبيت وننزله ولا علي بعد جاء عندهم سباك في بيتهم وننتظره حتى الساعة 11:00م ثم علي طرد العامل وقال مشينا خلنا نروح للأستراحة تآخرنا اليوم قلت يالله مشينا ونجي الشباب ونطقها لعب طائرة حتى الساعة 2ص تقريباً واللي سرى لأهله واللي جلس يلعب بلوت طبعاً علي التعبان سرى وانا مادريت عنه وأجلس أقابل ذا الخبلان يلعبون بلوت وانا ما أدريها ولا ادانيها كمان وأخبط في التلفزيون ولا لقيت شي صاحي كله خراط فاضي والله يخلصون من لعبهم وأسري مع ولد ولد عمي المهندس علي وينزلني بالبيت وعاد انا سيده عـ الكتشن <<المطبخ
وحصلت مدري وش حصلت من قراميش وأخذ لي كاس فيمتو وأروح لغرفتي وأشغل الاب ولا يوم قعد يحمل تحديثات أو مدري قلت أنا نفسي بشاورما والله واروح وأشتري صاروخ وأرجع على غرفتي وآكلها على الفيمتو وأتصفح إجابة السؤال الأول من المسابقة وبصراحة حزت في خاطري تصحيح اللجنة لأنني مجاوب جواب طويل ومفصل عن القمه بشكل عام وفصلت الكلام تفصيل متعوب عليه ...ولكن لن تعيقني من الإكمال وش ورانا إن لقحت ولا مظرت الجمل
وبكل صراحة لاتسألوني عن الباقي لأنني لم أشعر بنفسي إلا الساعة 6ص وانا على كرسي مكتبي <<طبعاً عندي في غرفتي مكتب متواضع عليه الاب وعليه أدير أعمالي الخاصة
آثاري سحبتها نومه والله وأقوم أصلي الفجر <<يالله لاتعاقبنا يارب
وأبدل ملابسي <<رياضة الطايرة من يوم الخميس هههه
وأتروش عين من الله خير وتسبوني خلاص قمت صحصحت لارجعت أنام مره ثانية ولاقمت إلا على طعست الشغالة قاعدة تغسل الحمام حق جناح غرفتي والله وأقوم وأغسل وجهي وأتوضى وسيده عـ الجامع وأصلي وأرجع وأجلس مع أمي شوي ولا أمي دايخه وتبي تنعس شوي وأروح لغرفتي وأدردش مع كذا واحد عـ المسن حتى صلاة العصر وأروح أصلي ولا رجعت إلا الساعة 5 وأفتح المسن وأدردش كمان شوي وأطلع أجيب آغراض للفطور وأفتح عـ المنتدى حتى جت حزت الفطور وأتوضى وأروح فطر وأصلي وأرجع واقهوي أبوي وأخواني وأروح غرفتي وأطقطق بالمنتديات شوي حتى جت الساعة 8م وأخذ أمي وأحطها بالمسجد اللي جنبنا ونروح انا واختي للمسجد اللي انتم خابرين ونصلي ونطلع ويوم طلعت وأحصل بجوالي ثلاث مكالمات من ضمنهن أختي العودة <<الداعية
وأدق عليها ولاهي مرتاعه
قالت : أنتم أي مستشفى أنا بجيكم
قلت : اللهم سكنهم مساكنهم .. انتي صاحية ولامهبولة
قالت: لاتخش عني أنا جيت البيت والشغالة علمتني بالعلوم
قلت : أي أعلوم !!
قالت : امي وأختي مو انت موديهم للمستشفى
قلت : اللي يقوله الشغالة
قالت : ايه آجل من عندي غيرها بالبيت
قلت : وانتي بعد في البيت
قالت : أنا جيت أبي أسلم عليكم وذا الخبلة روعتني
قلت : لا حنا بخير وستين نعمه تونا طالعين من المسجد وبنمر السوق ونجيك عطينا بس 10دقايق
ونمر السوق عندنا شغله <<أدري أني طيووب ولا أقدر آرفض لآخر العنقود طلب
ونروح للبيت ولا لقيت داعيتنا حصلت زوجات أخواني
قلت : وين الداعية
قالت: تصلي فوق
قلت : هي صاحية ولا مجنونة
قالت : انت دريت عن الفلم الهندي !
قلت : لقيت لها 3 مكالمات وعلى أختي مكالمتين
ويجيبون لي قراميش الفطور وأنقنق شوي وتدق علي امي تفيد انها خلصت من الصلاة قلت يالله جايك
وامرها وأعلمها باللي صاير قالت هي تدق علي وانا أعطيها مشغول << ما ألومها ترتاع
ويوم جينا البيت ولا العائلة كلهم مجتمعين وأجلس معهم شوي وأجيكم أبي أقولكم وش اللي صار معي من يوم الخميس ولي رجعه إن شاء الله