الوليد بن طلال

بسـم الإلـه أبـدأ بيـوت القصـيده = اسـمه جليـل وفيـه رحمه وغفران
فـرد صمـد معبـود رازق عـبيـده = ومـن لاذ به ينـجى ولا هوب خسران
ومـن بعـد ذكـره بالأحرار السديده = أهـلا ًهـلا وإعداد هـمال الأمزان
بسـم السهول ارفع سلامي وأزيـده = يا مـرحبا ً في مرحباً قلـب والسان
يا مـرحبـا ً واليـوم فرصة سعيـده = شـوف الوليد ومرحبـاً وين ما كان
الـيوم عيـد وشـوفكم صـار عيـده = وعـم الفـرح بقلـوب شايب وشبان
خـطوة عـزيـزة والزيـارة مفيـده = ولا هـي غـريبة منك يا ذرب الإيمان
فـيك الوفـاء والطـيب دايـم تجيـده = ومـعك السعـد والخير يا طير حوران
حشـت المراجـل والأوادم شـهيـده = شـيء موكـد شايفينـه بالأعـيـان
يـمنـاك بيضـاء والمواطـن تزيـده = كـم أغتنـى مـن مدكم كم فـقـران
وكـم واحـد يـا أمـير فـكيت قيـده = مـعسر وسـاعدتـه عـلى دين ديان
مـومـن مـعـك ذمـة وهمته بعيده = قرم شجاع ومن حلاحيل شجعان
الذكر طيب والفعايل حميده = عندي على ما أقول يا أمير برهان
أفعالكم بالخير دايم جديدة = الله يجزي فاعل الخير باحسان
مجدك رفيع ومن ملوك مجيدة = يابن الملوك ملوكنا سور الأوطان
أنتم ذرانا في الليالي الشديدة = وأنتم فخرنا يوم زوغات الأذهان
وأنتم هل التوحيد نصر العقيدة = أسرة وفاء للحق والعدل ميزان
وأنت الوليد بن طلال الوليده = يا معرب الجدان ما منك نقصان
أبوك من زاره بلغ ما يريده = طلال توجد به مواقيف الإنسان
منه اليتامى والكهل مستفيده = ريف الضعوف اللي عليها الدهر شان
رجل المواقف له مزايا عديده = ومن زبنه يا من على طول الأزمان
وأبوه أبوتركي فعوله وكيده = موسس الدولة على شرع وايمان
قبل أبو تركي والمعيشة نكيده = وشبه الجزيرة ما تحلا بل أمان
وهلل وعدل بالسيوف الحديدة = كم غارة عشا بها الذيب سرحان
حدد بلاده ما قصر بتحديده = وثبت عربها وامسوالقوم صدقان
ورحل وبقيت للملوك الرشيده = يالله عسى با وسط الخلد مسكان
ويالله تكافينا قلوب حقيده = وتحفظ وطنا من دسايس وعدوان
ويا مرحبا واليوم فرصة سعيدة = شوف الوليد ومرحبا وين ما كان

	فيك الوفاء والطيـب دايـم تجيـدهومعك السعد والخير يا طير حـوران حشـت المراجـل والأوادم شهيـدهشـيء موكـد شايفينـه بالأعيـان

	المشاركة الأصلية كتبت بواسطة فهد سيف العفيش

	إبـ][ نوآف][ـوٍ تبلفنآ ههههههآإي <( سوآ تحديث مـليون مـرهـ وطفىآ إلجهآزٍ وشـَ.غ.ـَله ورٍجـّ.ع.ـت اطفي الموٍدم ولآ زآن هههههآإي اخر شي رحت لي ولد جآرنآ قلت بجرب انآضر القصيده؟ مآطلـع شـي يآخي ههههههآإي علـي العـّموم مشـكور<_ وإنآ مآشفت بس حآس إنهآ جنـآ‘ن تقبل تحيآتي