| |
08-06-2009, 08:10 AM
| |||||||||
| |||||||||
اشكال اعضاء منتدى الرويضه هذي الايام السلام عليكم ورحمة الله وبركاته.. حبيت انقل لكم توقعاتي واستنتاجاتي..<< اووخص.. اللي توقعتها في الاخوه ولاخوات اعضاء هذا المنتدى.. في اوقات عصيبه مثل هذي الاوقات وهي فترة المراجعه وماقبل الاختبارات.. ============ خالديه كووول: حالتها حاله.. غير مباليه وماسكه الجوال بيد وتسولف وفي اليد الثانيه الملزمه..واذا سالتها ليه ماسكتها ولا تذاكرين..تقول:ع شان يجي بيني وبينها الفه واتعود عليها..<<ليه؟؟ا لملزمه ارنب>>هععع دعاابه.. بنت كول: حاضنه الاب توب من اول ماتقوم من النوم لين ما تنام..واذا سالتها وش اخبار المذاكره..قالت: ابدا ازهليها كل شي تحت السيطره وتمام التمام..<<وتراه ا اردى من خالديه كووول هععععع.. =============== = خالديه حدي: مره تذاكر والباقي قاعده تراقب تحركات جدي >(هي تبي غساله) تقول انه دخل عليها وهي تذاكر وما ذكر ربه ومعاد عرفت تفهم شي..<<هاه حدي عساك تلقين فصم التمر بعد القهوه لانه جدي صار من عشاق الكت كات..>>دوري على الفنجال احسن..هعععععععع عع =============== == انجلينا جولي: لان ما عندها هم الاختبارات<<ما شاء الله عليها..اغلب وقتها تقضيه في المطبخ تسنع وتبلع..ولامنبطح ه عند التلفزيون ولا مرتزه على لاب توبها.. الغلا: تفتر في البيت كانها مروحه-تشبيه بليغ-وتدور في كل الغرف وماسكه الكتاب في يدها والكتاب مسكيييين معرق وتافل العافيه من كتر ما مسكته..وتلقونها كل شوي جايه عند المرايه تسمع اللي حفظته..>>بس مدري شكل حركة المرايه مفيده<<خوذو منى الفائده..>>يارب وفقها.. كنق الفياض: يقول لاهله بروح اذاكر عند خويي >>بس كني شايفته يفرفر بجيبه في الشوارع ومشغل بشير شنان ومعلي على الاخر ومسرع..>>ويقال انه مسكته الشرطه وخذت بطاقته بسبب تفحيطه قدام المحطه..<<بس عشان ما يكون بذمتي شي تراه حاط كتبه معه في السياره وكل ما خمس بالسياره ذاكر شوي..<<بس لو النسبه على التفحيط جاي ميه بالميه..<<قسم امزح >> حمووودي: قاعد في الملحق يستنى المدرس المصري يجيه يشرح له .. واذا جا المصري يشرح ويسال حمودي انتا فاهم يابني يقوم الاخ حمودي يهز راسه وهو ما دخل في راسه شي اصلا الكتاب والشرح في وادي وحمودي في وادي..>> سؤال .. وش كان حمووودي يفكر فيه..<<اسالوه.. هععععع ورطته.. امير السهول: جالس بلحاله وقدامه كتب وملازم ويطرح على نفسه سؤال قوي ومهم وش لقفني ودخلت هالقسم ..والمسكين جالس يقحن- أي يشرب- من هالشاهي والنعناع لعل وعسى تساعده شوي في الورطه..>>ذاكر زين ok....<<على بالي فاهمه.. عبد الله بن عبد العزيز: عايش اوقات المراجعه هذي في غرفته بالتحديد سريره فااااااااااخ تحت هالمكيف اللي مجمده بس للمعلوميه نايم ومعه كتبه <<شكله يذاكر في احلامه..>>بس يارب ينجح لو في احلامه بعد.. بقايا جروح: بما انه فااضي ولا له في هالصجه ياتلقونه في البقاله ولا يفرفر بجمسه في البران..ولا يهمز رجلين اخوه..<<ماشاء الله عليه بار منذ الصغر.. ويمكن تلقونه اذا شحن جواله يتصل على احد اللي بيختبرون يتطمن ولا يحثهم على المذاكره لا يطيحون طيحته...<<والله اتوووب.. ويمكن تلقون..الكباااا ر.. محمد السهلي>>يوصي عياله على الجد والاجتهاد..<<وه و يكره هالايام لانها بعدها بشوي العطله والسفره والخساير..<<الل ه يعينه..تلقونه يقول ياليت ما ينجح احد عشان تنلغي السفره..<<طبعا اتغشمر.. ابو نواف>>يذاكر لعياله..>> ومستانس لانه بتجي العطله والناس بيهدون عيالهم بمناسبة نجاحهم جوال ولا لاب توب وياليت الناس تشتري من عنده..>> اسوي دعايه..بس فيه اشاعه تقول انه باع المحل لسمو الاحساس..>>هذا الخبر قايلته لي جدتي... حفيد مجمش>> اصلا ما يدري ان الاختبارات قربت وعاااايش جو ثاااني مع نفسه>>بس يوم درى استانس لان الاجازه تجي وهو ناوي يهج من الديره الى تايلند ولا ام الدنيا..>>ما اكذب..هععععع.. ابو سيف>>يقول انه كان يكره اجواء الاختبارات من يوم كان يدرس لذلك ناوي يسكر المنتدى ويخلي هالطلاب ما يدخلونه بس وقت الاختبارات ويحسون باللي حس فيه..هعععع.. سمو الاحساس>>ناوي يروح لمكه يعتمر ويجلس يومين لان الديره ايام الاختبارات هاااديه ومحد ينشاااف.. ابو طارق>> يوم جيت اساله لقيته ناااااايم <<وانا بطبعي اقدس النوم ولا احب اقوم احد..لذلك تركته يكملها..<<طيبه للغايه.. +++++++++++++ وطبعا انا ما كتبت عن نفسي شي .. لان شاطره وحبيبه..<<ايه هــيــن.. ويارب وفق الجميع في الختبارات وفرحهم بالدرجات العليا يارب.. والنسب اللي تبيض الوجه..<<دعوه من قلب.. طبعا كل اللي كتبته وضعته لكم في قالب كوميدي ... واللي غلطت في حقه اقوله اسفه مقدما.. ولا يبيجرني واعتذر منه زين..هعععع.. واتمنى انكم تتقبلونه بروح مرحه .. وانكم استمتعتوا في قراءته.. >>>>>>>واللي وده يقيمني تراني منيب معييته.. ســــي يـــــو..<< استنى ردودكم.. (وياويل اللي اشوفه داخل ولا رد)..
آخر تعديل خالديه ماتهاب يوم
08-06-2009 في 08:33 AM.  |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| شجرة اعضاء مجالس الرويضه | روحي بين اياديه | مرفأ البداية وروح التواصل | 5 | 08-01-2009 06:07 PM |
| لكي تجعل منتدى مجالس الرويضه افضل منتدى | روحي بين اياديه | حوار ومنطق | 11 | 23-10-2008 12:48 AM |
| شرح لعبة ترافيان { تجمع قرى اعضاء الرويضه | محمد | مساحة للضحك والفرفشة | 9 | 21-07-2008 02:08 AM |
| منتدى مجالس الرويضه ياغلى منتدى | الامبراطور | مرفأ البداية وروح التواصل | 12 | 05-07-2008 11:37 PM |
 |  |
العرض الشجري
