|
رد: الحجر(الحجز) كما وعدتك وخيتي بالعودة بالطبع لست باكثر ثقافة ومعرفة منكم ولكن لعلنا نوفق في طرح تعليق يناسب اهمية هالموضوع فهو بلاشك موضوع يحتاج من الجميع إلى وقفة صادقة وعدم مجاملة او تساهل لفئة من طبقات المجتمع فما يجعل بعض الأمور مستفحلة بمجتمعنا السعودي خاصة والعربي عامة هي المجاملة لبعض الفئات وهذا شئ مؤسف فلا محاباة ولا مجاملة في أمور كهذه نعتها الدين بل جعلها من الأمور المحرمة شرعًا ومن يقوم بتلك الأمور يعتبر شخص جاهل ومخالف لتعاليم ديننا الحنيف ويجب وقفه بالطرق المناسبه وحسب تدرجها في التوجيه من الأدنى للأعلى وكما ذكر اخواني في تعليقاتهم السابقة أصبحت هالأمور ولله الحمد حاليًا قليلة جدًا ولكنها للأسف لم تختفي فلا زال هناك من يقوم بها رغم وجود طبقات علمية عالية ومثقفة ولله الحمد في شعبنا السعودي خاصة ولكن مثل هؤلاء لايقرون تلك الثقافات والتعاليم الدينية الصريحة التي تحرم مثل ذلك وتستنكرهـ ولكنهم يصرون على عوائد جاهلية ما انزل الله بها من سلطان وتركهم وعدم الضرب على أيديهم سيجعل هالأمر يعود للتطور والإنتشار بأواسط معينة بمجتعنا وهي بالطبع كما ذكرت أوساط معينة وبسيطة ولكنها قد تؤثر في المحيط المجاور إذا لم توجه وترشد بالطرق الصحيحة والسليمة التي من شانها الرقي بمثل هؤلاء وعدم تركهم في غياهب الجهل والعادات القبلية السيئة المنبوذة شرعًا تقبلي خالص تحياااتي |
رد: الحجر(الحجز) ابو نواف شاكره مداخلتك الرائعه لكن اذا منعه الامير مو معناته انو الكبار بالسن بيوافقون والشباب ماراح يكسرون كلمة اهاليهم والبنت كلمتها ماراح تمشي اذا الاهل متعصبين.... هذا القسم من الموضوع يمكن ينبلع لانو بيكون فيه تفاهم.. لكن اللي ماينبلع اللي لاحظته فالشباب الطايش اللي توهم صغار وبصراحه انا لاحظت بعض الشباب قاموا ينطون بوجه الخاطب :بنت عمنا وبنت عمنا (والغرض) :عشان يعرف يتهاوش معنا (والا يقولون) :يتهاوش معنا وياخذ بنت عمنا واهل البنت مايرضيهم هالشي طبعاً.... ابي اعرف سر هالحركات بس... الله يهديهم اشكر تفاعلك مره ثانيه... |
رد: الحجر(الحجز) اسير الغربه رد وافي وشافي اسعدني جداً تواجدك الرائع وليس لي تعليق على كلامك الرائع واسلوبك المنسق بالعبارات الواضحه لك خالص شكري وتقديري مع كل الود والاحترام |
رد: الحجر(الحجز) مافي لقب بمستواها : ============= الحجر على البنت من قبل ولد عمها عادة موجودة في كثير من المجتمعات حتى غير السعودية وفي المملكة صدر مثل ماقال (ابونواف ) قرار يمنع الحجر ومن تتعرض للحجر يتم سجن الحاجر حتى يطيح اللي في رأسه . والبنت لم يعد هناك من يجبرها على الزواج من ابن عمها لانه من حقها ترفض اجراء فحوصات الزواج وليس معقولا ياخذها ابوها بالمسدس ويهددها بالقتل اذا ما سوت الفحص في هالحالة يمكنها رفع السماعة على وزارة الشئون الاجتماعية او حقوق الانسان قسم العنف الاسري ويجون للاب ويحطونه في السجن اذا تكرر ضغطه على بنته بالزواج من شخص لاترغبه . اما اذا البنت ضعيفة شخصية واخوانها مافيهم خير وابوها ماله كلمة فهنا المشكلة توافق البنت مرغمة وتاخذ عمرها لعش زوجية فاشل . اعتراض عيال العم حاليا اصبح الكثيرين يعترضون علشان يعطيهم العريس 10الاف ريال والا 5 الاف ريال والاّ رشاش ويسكتون بمعنى مطالبهم ماديه بحته الاّ ما قل وهذه منتشرة في بعض قبائل البادية واصبحت محدودة وكثيرا من الناس مايدرون انه زوج بنته الاّ قبل الزواج بأيام ولاعاد يقدرون يسوون شيء سوى المهايط والتهديد ----------دمتي بود |
رد: الحجر(الحجز) كل ما اجي بعترض على كلمه الاقي تكملتها تجاوب عن اللي في بالي لكن اسمح لي اناقشك في بعض كلامك مستحيل بنت تتسبب في وضع والدها بالسجن وبالنسبه لموافقتها لكلام ابوها اظن انو احترام لكلمته وليس ضعف بالشخصيه لانو البنت مهمارفضت ...فالوقت اللي تقابل ابوها فيه تنسا كل شي وتوافق مااظن خوف الا ماتبي تكسر كلمة ابوها وبعض البنات يتزوجون بتأثير من امهاتهم وانا معك في ان ظاهرة الحجر ابتدت تختفي عند كبار السن لكن بعض الشباب صار يرجع بس الكلمه عشان يحرم عدوه(في نظره) من الزواج من بنت عمه اما بالنسبه لكلمتك الاخيره اايدك فيها بقوه تهديد على الفاضي وسب في ابو البنت:والله الابو يبي يزوج بناته ويرتاح والاخوان رخوم وكل هالكلام ليه؟--->عشانه سفههم وزوج بنته الرجال اللي يكرهونه تفاعلك محل اهتمامي اشكرك |
| الساعة الآن 06:33 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..