|
الحجر(الحجز) اولاً احب اعتذر للكل عن سرعة غضبي فأنا اخرج مافي قلبي وبعدها انسى كل ماحدث *************** ****** مدخل ولد مثلاً عمره 19 سنه وله بنات خال وبنات عم منهم اللي في عمره ومنهم اللي اصغر منه وفيه اكبر منه نصهم متزوجات ونصهم لا.... في يوم حصل وان تزوجت وحده من قرايبه واحد كفؤ ولكن له مشاده سابقه مع الولد اللي ذكرته قام هالولد وسوا كلللل شي يتسبب في فركشة الزواج مع العلم انو البنت اكبر منه والعذر بنت عمي ولالك امل تتزوجها لو احجر عليها يروح يطمر ويقول انا ابيها طبعاً بعض الاهالي مابفكرون بالعمر خلاص ولد عمها اولى والولد مافكر بها وهي تحلف انها ماتاخذه لو مابقى بالدنيا غيره لانو خرب عليها والبعض الاخر لا يقول لا انت توك والبنت بسن زواج والرجال اللي جانا كفؤ.... الموضوع ليش بعض الشباب يحطون الحجر بإحتياطاتهم ولايستخدمونه الا بهذي لاشياء اما عشان يثبت كلمته عند فلان اوووو يقهر فلان او ينتقم من واحد كان متهاوش معه او او او..إلخ لاتقولون محد كذا انا شفففت فئات لازالت متمسكه بعادة الحجر اوكي متفقين مافي مشكله بعضهم متعصبين خلاص ولد عمها توه قايل ابيها الله يستر علينا وعليك طيب الرسول نهانا عن هالشي نرد الرجال الكفؤ عشان ولد عمها اللي مابعد توضف لكم بقية الحوار قولوا كل شي تشوفونه يخص الموضوع بس حبيت اخص ليش الشباب اذا تهاوشوا ومرت سنين وجا واحد وخطب منهم عادوا المشكله من جديد؟ مخرج الولد اللي عمره 19 زعل عشان اهل البنت وافقوا على ارجال وماسمعوه وصار احياناً يفكر يقتل الرجال عشانه للحين مااثبت شخصيته قدامه |
رد: الحجر(الحجز) اختي الغالية موضووع جميل ويستحق المشاركة فيه انا اشوف ان الحجر اخذ الان بالزوال الا عند فيئات قليله من المجتمع فافي السابق نعم كانت البنت لولد عمها غصبن عنها في نظري قمة التخلف طيب لنفرض ان ولد عمها مايبيها لازم ياخذها ؟؟؟ هذا ماراح يعيش هووياها بسعادة والصورة الثانية لنفرض ان ولد عمها غير كفؤ لها او بمعنى اخر مدمن مخدرات او مروج او او او انهي مستقبلها وحياتها مع شخص مثل هذا بحجة انه ولد عمها المهم الحمد لله خفت هذه الظاهرة واصبحنا نرا الزواجات من خارج العائله ومن خارج القبيله حتى وسمن على عسل وبنظرة طبية فأنه لايفضل زواج الاقارب لما في ذالك من الامراض الوراثية اختي الفاضله موضوعك شيق جدا اشكرك من اعماق قلبي وتقبلي مروري |
رد: الحجر(الحجز) احس اللي يسوي كذا في قمة التخلف خير بعد البنت لها رايها ومن حقها ترفض وماترفض عليها ليش بضاعه تسلمين على الموضوع |
رد: الحجر(الحجز) سمو الاحساس صادق اهي بدت بالزوال لكن بعد اللي شفته الظاهر رجعت كلامك وتعليقك اسرني كثيراً واسعدني |
رد: الحجر(الحجز) الغلا يعطيك الف عافيه وصدقتي من جد للأسف بعض العوائل متعصبه جداً وتصير عندهم مشاكل اذا تزوج برا العائله والله اعرف بنت محجوره لولد عمها اللي اصغر منها ومتربين فبيت واحد لاهي تبيه ولاهو يبيها وقبل سنه وقف بوجه اهله قال انا اعتبرها اختي وراح وخطب وحده تقرب له بس مو بنت عمه..وتزوجها ..وش شعور البنت اللي كانوا حاجرينها طول هالمده وحرموها من الزواج |
رد: الحجر(الحجز) لا تعليـــق مشـكورهـ ع الموضـوع ،، |
رد: الحجر(الحجز) العفو اختي نورتينا |
رد: الحجر(الحجز) موضوع هام ويستحق النقاش وخيتي ولي عوددة للتعليق بالتفصيل الممل لكل شاردة وواردة لهذا الموضوع |
رد: الحجر(الحجز) وانا في انتظار مناقشتك اخوي |
رد: الحجر(الحجز) اللي اعرفة انه نعم قمة التخلف لمن يسلك هذا المسلك من الشباب واللي يريح انه نادر بعض الشئ وقد صدر قرار من سمو امير منطقة الرياض بمنع مثل هذه الاشياء ووصفها بالجاهلية وشدد على موضوع الحجري ان شاء الله انها هذه الظاهرة اخذة بالافول تشكرين اختي الكريمة |
رد: الحجر(الحجز) كما وعدتك وخيتي بالعودة بالطبع لست باكثر ثقافة ومعرفة منكم ولكن لعلنا نوفق في طرح تعليق يناسب اهمية هالموضوع فهو بلاشك موضوع يحتاج من الجميع إلى وقفة صادقة وعدم مجاملة او تساهل لفئة من طبقات المجتمع فما يجعل بعض الأمور مستفحلة بمجتمعنا السعودي خاصة والعربي عامة هي المجاملة لبعض الفئات وهذا شئ مؤسف فلا محاباة ولا مجاملة في أمور كهذه نعتها الدين بل جعلها من الأمور المحرمة شرعًا ومن يقوم بتلك الأمور يعتبر شخص جاهل ومخالف لتعاليم ديننا الحنيف ويجب وقفه بالطرق المناسبه وحسب تدرجها في التوجيه من الأدنى للأعلى وكما ذكر اخواني في تعليقاتهم السابقة أصبحت هالأمور ولله الحمد حاليًا قليلة جدًا ولكنها للأسف لم تختفي فلا زال هناك من يقوم بها رغم وجود طبقات علمية عالية ومثقفة ولله الحمد في شعبنا السعودي خاصة ولكن مثل هؤلاء لايقرون تلك الثقافات والتعاليم الدينية الصريحة التي تحرم مثل ذلك وتستنكرهـ ولكنهم يصرون على عوائد جاهلية ما انزل الله بها من سلطان وتركهم وعدم الضرب على أيديهم سيجعل هالأمر يعود للتطور والإنتشار بأواسط معينة بمجتعنا وهي بالطبع كما ذكرت أوساط معينة وبسيطة ولكنها قد تؤثر في المحيط المجاور إذا لم توجه وترشد بالطرق الصحيحة والسليمة التي من شانها الرقي بمثل هؤلاء وعدم تركهم في غياهب الجهل والعادات القبلية السيئة المنبوذة شرعًا تقبلي خالص تحياااتي |
رد: الحجر(الحجز) ابو نواف شاكره مداخلتك الرائعه لكن اذا منعه الامير مو معناته انو الكبار بالسن بيوافقون والشباب ماراح يكسرون كلمة اهاليهم والبنت كلمتها ماراح تمشي اذا الاهل متعصبين.... هذا القسم من الموضوع يمكن ينبلع لانو بيكون فيه تفاهم.. لكن اللي ماينبلع اللي لاحظته فالشباب الطايش اللي توهم صغار وبصراحه انا لاحظت بعض الشباب قاموا ينطون بوجه الخاطب :بنت عمنا وبنت عمنا (والغرض) :عشان يعرف يتهاوش معنا (والا يقولون) :يتهاوش معنا وياخذ بنت عمنا واهل البنت مايرضيهم هالشي طبعاً.... ابي اعرف سر هالحركات بس... الله يهديهم اشكر تفاعلك مره ثانيه... |
رد: الحجر(الحجز) اسير الغربه رد وافي وشافي اسعدني جداً تواجدك الرائع وليس لي تعليق على كلامك الرائع واسلوبك المنسق بالعبارات الواضحه لك خالص شكري وتقديري مع كل الود والاحترام |
رد: الحجر(الحجز) مافي لقب بمستواها : ============= الحجر على البنت من قبل ولد عمها عادة موجودة في كثير من المجتمعات حتى غير السعودية وفي المملكة صدر مثل ماقال (ابونواف ) قرار يمنع الحجر ومن تتعرض للحجر يتم سجن الحاجر حتى يطيح اللي في رأسه . والبنت لم يعد هناك من يجبرها على الزواج من ابن عمها لانه من حقها ترفض اجراء فحوصات الزواج وليس معقولا ياخذها ابوها بالمسدس ويهددها بالقتل اذا ما سوت الفحص في هالحالة يمكنها رفع السماعة على وزارة الشئون الاجتماعية او حقوق الانسان قسم العنف الاسري ويجون للاب ويحطونه في السجن اذا تكرر ضغطه على بنته بالزواج من شخص لاترغبه . اما اذا البنت ضعيفة شخصية واخوانها مافيهم خير وابوها ماله كلمة فهنا المشكلة توافق البنت مرغمة وتاخذ عمرها لعش زوجية فاشل . اعتراض عيال العم حاليا اصبح الكثيرين يعترضون علشان يعطيهم العريس 10الاف ريال والا 5 الاف ريال والاّ رشاش ويسكتون بمعنى مطالبهم ماديه بحته الاّ ما قل وهذه منتشرة في بعض قبائل البادية واصبحت محدودة وكثيرا من الناس مايدرون انه زوج بنته الاّ قبل الزواج بأيام ولاعاد يقدرون يسوون شيء سوى المهايط والتهديد ----------دمتي بود |
رد: الحجر(الحجز) كل ما اجي بعترض على كلمه الاقي تكملتها تجاوب عن اللي في بالي لكن اسمح لي اناقشك في بعض كلامك مستحيل بنت تتسبب في وضع والدها بالسجن وبالنسبه لموافقتها لكلام ابوها اظن انو احترام لكلمته وليس ضعف بالشخصيه لانو البنت مهمارفضت ...فالوقت اللي تقابل ابوها فيه تنسا كل شي وتوافق مااظن خوف الا ماتبي تكسر كلمة ابوها وبعض البنات يتزوجون بتأثير من امهاتهم وانا معك في ان ظاهرة الحجر ابتدت تختفي عند كبار السن لكن بعض الشباب صار يرجع بس الكلمه عشان يحرم عدوه(في نظره) من الزواج من بنت عمه اما بالنسبه لكلمتك الاخيره اايدك فيها بقوه تهديد على الفاضي وسب في ابو البنت:والله الابو يبي يزوج بناته ويرتاح والاخوان رخوم وكل هالكلام ليه؟--->عشانه سفههم وزوج بنته الرجال اللي يكرهونه تفاعلك محل اهتمامي اشكرك |
رد: الحجر(الحجز) هذا مو بس تخلف ... حـــراا ا ا ا م ... مايرضي الله ولا رسوله... أي عيشه هذي اللي رح تنبني على هم وقهر..؟ هو مو بس يثبت غبائه ومو بــــس بيقرد ( بينحس) البنت معاه هو بيعيّش نفسه بهم له أول ماله آخر لو فرضنا انه نسى حق البنت ونسى شرع الله وحرمة التفريق بين زوجين هذا مايفكر بسعادته؟؟ تحياتي لك ع الموضوع الراااائع يستحق الطرح.. |
رد: الحجر(الحجز) دمعة سجود الرمش اعجبتني مداخلتك الصريحه |
رد: الحجر(الحجز) هذا الشي اسميه تخلف ولله الحمد اشوف هالشي قل لكن للاسف في البعض يستخدمه حتى لو اهل البنت مو موافقين عليه وشفت هالنوع تلاقي بعض الخطاطيب منع للاحراج ودخول بمشاكل يبتعدون والسبب حتى لو كان يبي البنت والاغلب لا بس الهدف اثبات للشخصيه وان له كلمه لكن برايي هذا تخلف |
رد: الحجر(الحجز) صادقه وجهة نظر احترمها شاكره مرورك |
| الساعة الآن 01:00 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..