شفتي البنت اللي احتلت مكانك .. باختصـار: (بنت كول)

#1 (**permalink**) 29-03-2009, 03:05 AM

.
يا غشيمه ليـه تبديـن الأسـف والإعتـذار؟
أصلاً احنا منتهين ان كـان هـذا يجهلـك!!

ثم أنا مـا ودي أفتـح بيننـا بـاب الحـوار
بس أنا عارف فضولك.. بالنهايـة يقتلـك!!

تسأليني من معي بعدك خذت فكري وصـار..
يحتفل فيها قصيـدي.. وعلّمَتنـي أهملـك؟؟

واسمحي لي راح أجاوب لك سؤالك في إطار..
الصراحه.. وادري إنّ آخر كلامـي يزعلـك

ذيك بنت ٍ من غلاهـا عاملـه فينـي حصـار
وين ما وجهت نبضـي لجلهـا قلبـي سلـك

ذيك بنت ٍ تزرع البسمات فـي كـل الديـار
تغفـل بطيبـة نواياهـا .. ولا تستغفـلـك

ذيك يوم إنك تركتينـي علـى شبـه انهيـار
جتني وطرت بهواهـا للسمـا وابعـد فلـك

ذيك يوم آكلمك وابقى على الخـط انتظـار
حطت الدنيا انتظار وجت تقول: اشتقت لـك

ذيك غيم وصالها ما شـح فـي ليـل ونهـار
وانتي ياخذك التغلـي للغيـاب ويشغلـك !!

ذيك يوم إني –أموّل- لك تفاصيلـي دمـاااار
جت تغني: (الماضي لك/ وبكره لك/ وبعده لك)

وعن جمال أوصافها خايف يصيبـك ان**ـار
لانها لو تلتفت لـك؟ ضيّعـت مستقبلـك!!

وانصحك من حسنها لايبتـدي قلبـك يغـار
وابعدي عنها تراها "حبه .. حبـه .. تاكلـك"

نور عيني حبّها .. يعنـي لـي أكبـر انتصـار
حزت عرش ٍ من ملوك الأرض ما حازه ملـك

كن قلبي من بعـد مـا حبهـا علّـق شعـار:
" الرجاء الإبتعاد .. القلـب هـذا ممتلـك "

واعتقد ما فيه داعـي يكتمـل هـذا الحـوار
بس هـي كلمـه .. إذا ودك تعرفـي منزلـك

شفتي البنت اللي احتلت مكانك .. باختصـار:
ذيك تسواك ِ وتساوي كل طوايفْـك وهلِـك

.
.

للشاآآعــر..
ع ـــبـدـالله ـالظفــــيري
اتمنى ان تنال اعجابكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
البنت اللي ماتعرف تطبخ.. هل تصلح تكون زوجة!!!	سمو الاحساس	احتواء ما لا يحتوى	9	12-03-2009 10:36 PM
البنت اللي بتسوووق تجي تعبي الاستمارة هذي	محمد	مساحة للضحك والفرفشة	15	17-12-2008 10:31 PM
تدري وش اللي يتعب البنت ياسعود؟!	الـراسـي	صهيل القصيد	10	11-10-2008 10:00 AM
تدري وش اللي يتعب البنت ؟؟	محمد	صهيل القصيد	20	08-10-2007 10:46 PM

شفتي البنت اللي احتلت مكانك .. باختصـار: (بنت كول)

صهيل القصيد