أنا سميتك الدنيــا وأنتي وش سميتيني؟؟!!

#1 (**permalink**) 25-01-2009, 01:18 PM

فديتك ياهوى نفسي مع الشدات خاويني
فديتك لاقسى وقتي علي وناحت أشجاني

أبيك في لحظة الفزعه تحط يديك بيديني
وأبيك لياشكيت الياس تكون بساحة أوطاني

أبيك البلسم لجرحي وأبيك النوم في عيني
وأبيك اللي ليامني صحيت ألقاه بأحضاني

طلبتك يابعد ذاتي أماااااااااانه لاتخليني
تراني لو رحلت أبقى ضحية كيد عدواني

سألتك بالله الواااالي سألتك لاتجافيني
لأني أمووووت بغيابك ياروحي وجثماني

معي واصل مشاويرك أواسيك وتواسيني
معي إبقى مثل ظلي حذااااري لاتعداني

أبي منك الوعد إنك على غيري تبديني
وأنا هذا وعد مني ماأبيعك وأشري الثاني

وإذا بلسانك الصادق نطقت وقلت تغليني
أنا بأعلن خبر عاااااجل تعالوا إقروا إعلاني

أبكتب داخل الإعلان إلى من صار يغليني
إلى قلبي إلى عمري إلى من صار يهواني

إليك أهدي نغم شعري وكل عرق نبض فيني
وإليك أهدي شذى عطري وياسميني وريحاني

وأبكتب داخل الإعلان وصيه كان شاريني
معي بالطيب عاملني ولاتجرح بهجراني

ومهما تقسي الدنيا علينا لاتعاديني
ولاتسعى أبد في يوم في عندي وعصياني

أبيك دكتور لآلامي من أحزاني تداويني
وأبي لاكفت أبصاري تكون النور لأعياني

وأبي لافاضت أنفاسي تكون أول معزيني
وأبيك بيدينك الثنتين تلف الجسم بأكفاني

وبعد ماأكون في قبري تذكرني وتبكيني
وأكون حزن على بالك ماتغفل وتنساني

أبي لاقالوا العذال وش اللي بينك وبيني؟
تبسم وتدمع عيونك من الحسره وفقداني

وتجاوبهم إني حي وبالأضلاع تخفيني
وإني سلوة الخاطر معك لاصرت وحداني

أبيك تقول هو مامات أحاكيه ويحاكيني
أبيك تقول هو موجود وخبيته بوجداني

أبيك تقول هو دمي اللي في شراييني
لأنك دمي اللي كان يضخه عرق شرياني

وأبي لازادت جراحك تخيلني وتناديني
وتفتش داخل شعورك وتهمسلي وتلقاني

وإذا طال السفر إقرا كتاباتي ودواويني
وقل ياكثر ماخلي كتب لي شعر وأهداني

ترى لو للقصيد عيووون والله ماتقديني
لأني للقصيد عيون وإسمك رمز ديواني

وترى لو للحروف أهداب تعجز لاتغطيني
لأني للحروف إيحا ووحيك سر لإذعاني

تداركت الزمن يمك الا ياليت يمديني
أخاف أجيك متأخر وسيف الوقت ياطاني

نسيت من أجلك الصادق اللي الروح يعطيني
ونسيت الأول والآخر والقاصي مع الداني

وجاري المسح للباقي وأنت اللي تكفيني
حرام أحط معك غيرك وأحبك وأظلم الثاني

كفايه أنت في دنياي أمل باقي يسليني
أمل صوته إذا ضاع الأمل ألقاه بأركاني

كفايه همسك الحاني إذا جاني يدفيني
ويبدد وحشة ظروفي وتشرق فرحة أكواني

تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني

ودنيا' مابها حسك ماأبيها وعمرنا فاني:
أنا سميتك الدنيا وأنت وش تسميني؟

منقووول

#2 (**permalink**) 25-01-2009, 01:49 PM

أبي لاقالوا العذال وش اللي بينك وبيني؟
تبسم وتدمع عيونك من الحسره وفقداني

وتجاوبهم إني حي وبالأضلاع تخفيني
وإني سلوة الخاطر معك لاصرت وحداني

أبيك تقول هو مامات أحاكيه ويحاكيني
أبيك تقول هو موجود وخبيته بوجداني

أبيك تقول هو دمي اللي في شراييني
لأنك دمي اللي كان يضخه عرق شرياني

وأبي لازادت جراحك تخيلني وتناديني
وتفتش داخل شعورك وتهمسلي وتلقاني

الله .. الله .. الله ..

لاتعليـــــــــ ـــــــــــــــ ـــــــــــــــ ــــــق ..

سمو الاحساس .. مشكووووووووور على هالطرح ..

#3 (**permalink**) 25-01-2009, 01:58 PM

كفايه همسك الحاني إذا جاني يدفيني
ويبدد وحشة ظروفي وتشرق فرحة أكواني

تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني

ودنيا' مابها حسك ماأبيها وعمرنا فاني:
أنا سميتك الدنيا وأنت وش تسميني؟

ذوق والله صح لسان شاعرها

وتسلم يمين جابتها

بارك الله فيك وفي شبابك سمو الاحساس

\

#4 (**permalink**) 25-01-2009, 02:06 PM

يعطيك العافية سمو

وشاكر لك هالنشاط الدائم

لك أرق وأجمل تحية على تواجدك المميز

#5 (**permalink**) 25-01-2009, 04:55 PM

ياااسلام عليك ياسموو

أبيك تقول هو دمي اللي في شراييني
لأنك دمي اللي كان يضخه عرق شرياني

وأبي لازادت جراحك تخيلني وتناديني
وتفتش داخل شعورك وتهمسلي وتلقاني

وإذا طال السفر إقرا كتاباتي ودواويني
وقل ياكثر ماخلي كتب لي شعر وأهداني

ذوووق اختياار رااقي جدا

ابيات تتعايش معهاا

راقت لي

تسلم يمينك ع هالرائعه

تحيتي لك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أنا وأنتي سـراااب وليل حكمنا البعد والهجرااان؟؟	محمد	صهيل القصيد	2	08-09-2009 03:09 AM
°°◦ღ♥ஓ ليت الدنيــا مثـل امي...ازعلهاا وترا ضيني ஓ♥ღ◦°°	متعب3	احتواء ما لا يحتوى	9	07-07-2009 02:15 PM
[®][ ليت الدنيــا مثـل أمي...أزعلهاا وترااضيني ][®]	افشكو	احتواء ما لا يحتوى	14	19-09-2008 01:49 AM

أنا سميتك الدنيــا وأنتي وش سميتيني؟؟!!

صهيل القصيد