اوفيت في تجريح قلبي وكفيت

أوفيت في تجريح قلبي وكفيت
قلب يحبك وأصبح اليوم مطعون~~
حبيت غيري وعن هوانا تخليت
وأول حلفت وقلت عزاه مااخون~~
الله وأكبر ياحبيبي تناسيت
حب جمعنا وأغلب الناس يدرون
أول خفوقي بالمحبه لكم بيت
واليوم بأشباح الحزن صار مسكون
كم مره في تالي الليل ونيت
وكل الحشا في داخله جرح وطعون
من حر مابي يابن الاجواد هليت
دمعي وقلبك داخل العين مسجون~~
واذا شفت عاذلي تضاحكت وسويت
نفسي سعيد ه وداخلي حزن مكنون~~
أول تبادلني الغلا ماتغليت
واليوم عندك يرخص الحب ويهون~~
مدري زعل ياصاحبي يومك ابطيت
عن صاحب يحفظ الحب ويصون~~
ابشر خفوقي قد نساكم ولاقيت
شخص وفي صادق الحب مزيون~~
مليت تعذيبك وانا منك مليت
وشلون اسامح جارح القلب وشلون~~
من عقب ماني في غيابك تهنيت
تبغاني ارجع للحزن انت مجنون~~
وين انت يوم اني نخيتك وناديت
توه طلع لك ,, سمع
واحساس وعيون
تدري به امر واحد فيك حبيت
ويمكن عشانه صرت لك حيل ممنون~~
اني عزفت القصيد عقبك ورديت واصبحت اكتب شعر والناس يقرون