| |
22-12-2008, 02:02 PM
| |||||||||
| |||||||||
مذكرات طفل السلام عليكم ورحمة الله وبركاته هذه كلمات مسروقه من دفتر طفل كتبها بعامية اللغه..ودهشة السؤال ؟ السبــــت: فتحت عيوني..أدور عن نور..أمروني <غمض>..و...غمضت ..بعدها ما شفت لا ابيض ولا اسود ! فتحت عيوني..أدور عن نور..أمروني <غمض>..و...غمضت ..بعدها ما شفت لا ابيض ولا اسود ! الأحــــد: كنت أسمعهم يقولون:<ألعن أبوك!>,<يا حمار>,<يا حيوان>, <يا ثور>,<يا بقرة>,<يا لوح>,<يا جدار>... فتوقعت اني في حديقة حيوانات..فتحت عيوني ابغى اشوف هـ(الحيوانات).. قالوا لي:"ما يصلح تشوف قلة أدب".. سألتهم:طيب..في عصفور ؟؟ صرخوا في وجهي:<انطم واسكت> الاثنيــــن: سمحوا لي اشوف التلفزيون..كنت لحالي منسجم مع أفلام كرتون ..دخلت امي..وكان ابو عائلة ادمز(يبوس) أمهم..ركضت امي ..غيرت القناة.. وصرخت بأعلى صوتها.."عيب عليك..قاعد تشوف قلة أدب..!!" ناظرتها بكل براءه وانا متعجب من اللي صار:"طيب وش صار؟؟أبوهم يبوس أمهم!..": قالت لي وهي معصبه مرررررره(التبوي س..قلة حياء!!)بعدها بأسبوع.. شفت امي تسلم على ام الجيران و(تبوووووسها).. قلت لها وانا كلي أسى"يا ماما..التبويس قلة حياء!!.." الثلاثـــاء: كانوا بنات خالتي عندنا ..وكنت الولد الوحيد اللي يلعب معهم ..وأبوي بس يبحلق عيونه فيني وين ما رحت ووين ما جيت .. بعد ما راحوا..ناداني أبوي وقال:"عيب الواحد يجلس مع بنات..قلة أدب..! بعدها بكم يوم.. كان أبوي جالس مع عماتي..ناظرته بطرف عين(وتبون الصدق حقدت عليه).. وقلت له:"اللي يجلس مع بنات..قليل أدب!!" ] الأربعــــاء: كنت اسمعهم يقولون(صدام قوي) ..وأعجبني...بعد الأزمه..قالوا(ح رامي ومجرم).. سألتهم:كيف؟؟!!. .قالوا:"حرامي ومجرم..وبس..واس كت..!" وكنت أسمعهم بعد يقولون (جيم كاري..فاسد)..فك رهته على طول..وكانوا يشوفون أفلامه..ويضحكوو ون.. كنت أسألهم"ليه تضحكون؟!..ما تقولون انه فاسد"...قالوا.. ورا ما تنطم بس.!!: الخميــــس: أبوي يقول <االتدخين> حرام .. واللي يدخن يدخل النار.. وفي يوم شفت ابوي جالس مع صديقه أبو حمد..وأبو حمد ماسك السيجاره بيده.. وقفت وسألت ابوي""طيب اللي يجلس مع اللي يدخنون..يدخل النار بعد!!!" الجمعــــة: أسمعهم يقولون..ان اللي يطول في مكالمته يغازل ..واللي يروح للسوق يغازل ..واللي يعرف انترنت يغازل ... وامي تطول على التلفون,,وتروح للسوق,,وتطقطق على الكمبيوتر.. رحت لأبوي وانا مصدووووم::"أبوو وووي الحق.. أمي تغازل !!!!.. ()€€€€€€€€() للاسف هذي صور من المجتمع .. لكن سؤالي ... !!!!! لماذا لانوضح للطفل المقصد الأساسي من هذا المنع أو من كلمة (عيب) ؟! حتى لا يعمم كل مايراه ويُطبّق عليه هذا الوصف .. كمافي الصور السابقه! ! بالطبع هم لم يقصدوا ماقصده الطفل ولكن لأنهم لم يوضحوا له ويفهموه لماذا عيب ولماذا حرام راح ينظر لكل تصرف من زاوية مافهمه هو !!!!!! فما الفائده اذاً من التربيه إذا لم نوضح هدفنا الأساس لل اطفال واطفالنا في المستقبل ؟!!!!!!!!!!! ............... ............... ...........
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مذكرات جندي اول | خالد00 | احتواء ما لا يحتوى | 10 | 02-08-2008 07:16 PM |
| مذكرات بنقالي مقيم في السعودية 2 لا يفوتك | Enter | مساحة للضحك والفرفشة | 6 | 02-03-2008 01:13 PM |
| مذكرات عزت الكسول | عزت الطيرى | نشيد الروح | 4 | 26-08-2007 02:30 AM |
 |  |
العرض الشجري
