الجادل اللي كل ماصدت ضميري ماستراح

#1 (**permalink**) 19-12-2008, 10:28 PM

صلو على النبي

الجادل اللي كل ماصدت ضميري ما استـراح
.......... وانا عيوني من سهـر ليـل الشتـا متبيتـه

اصد عن بعض الوجيه اللي تضوي في المراح
.......... واسج رجلي في طريق ما امسكتنـي سيتـه

على مقوله من تبعهـا قـد تـؤدي للفـلاح
.......... يجزى البنادم بعملـه وان زان زانـت نيتـه

وان غرد القمري على غصن المحبه ثم نـاح
.......... ناحت على الغصـن المطـرف للهوا قمريتـه

لبيه يالغصـن النـدي اللـي تميلـه الريـاح
..........لبيـه ياتـاج الملـك يامـالـه وجاهيـتـه

لبيـه يانبـع الغـلا لبيـه يالعـد الـقـراح
.......... اللي ليامنه سقـى يحيـي العـروق الميتـه

اضما ولا حولي هنا واجوع وسنيني شحـاح
............واض يق وتضيق الجبال ان ذعذعت عصريته

وان هب نسناس الهوا لبست للضيقه وشـاح
..............و ادوج من قلب يرحب بالحـزن فـي جيتـه

والجادل اللي عقبها ماشفت للصدر انشـراح
............راح ت وشلفا ذياب في صدري علـى جنبيتـه

الله واكبر ياعزيـز عـز نفسـه ثـم طـاح
............ ثم استباحـت بنـت شيـخ دمعـه وماريتـه

ماتدري اني لاوقفت اطا على روس الرمـاح
............وما تدري ان راسي يموت ولاتمـوت حميتـه

لكن هني الطير ابو مخـلاب كفـاخ الجنـاح
........... من وين ماضاقت عليه يطيـر فـي حريتـه

الله يصبرني على الفرقا ولـو الدمـع سـاح
.......... يوم انتثر حبري شعـر كـذا علـى عفويتـه

وان جيت ترثي حالتي وتشوف دمي مستبـاح
............. شفني قتيل فالهوا محـدن طلـب فـي ديتـه

7
7
7
7
سلامتكم

- منقووووووول -

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ديكور برج خليفه من الداخل	سلطان الشوق	الاثاث والديكورات	34	26-01-2010 04:43 PM
سعوديات محجبات في الداخل متبرجات وداعرات في الخارج !!	محمد السهلي	حوار ومنطق	21	31-07-2009 03:57 PM
الكعبة الشريفة . . صورة من الداخل مع الأقسام والأبعاد	محمد	روحانيات	8	04-03-2009 01:33 PM
يلا اااا شباب في الداخل شخص يحتاج رائيك ؟	الرسام	لُغَة الصور .. والكاريكاتير الساخِر	10	24-01-2008 12:55 AM
عبارات ماسية	شموخ انسان	احتواء ما لا يحتوى	11	02-12-2006 04:34 PM

الجادل اللي كل ماصدت ضميري ماستراح

صهيل القصيد