تخيلوا لو نعيش كلنا في بيت واحـــد .. وناااااااااسه ..

مشكلة لاصرت محبوب ومحد يقدر يستغني عنك


خصوصا الوالد الله يطول في عمره


تهئ تهئ ابغى ارووح للمزرعة



عاد لا يفوتكم تسليكة الوالد اطال الله في عمره


أنا : يبـــــــــــــ ـــــــــــــــ ــه جعلك في الجنة انت وشيبانك كلهم وجداني وكل ابو الناس


بابا : الله يسمع منتس يابنيتي وجميع اموات المسلمين المتقدمين والمتأخرين

--------------> لبى قلبه مطبق السنة تمام


أنا : امين يارب العالمين


----------------> وبعدين



بابا : وش عندتس على هالدعاوي الحلوة ؟ ا

اكيــــــد تبين شي خابرتس طالعة على خوالتس تدورين مصلحتس يامال الصلاح


وهنا تتدخل الوالدة الله يحفظها : نعم نعم نعم !! على خوالها !!


اقووول هذا طبعك انت واخوانك اوب اخواني الله يخليهم لي



انا هنا حسيت اني منبوذة اجتماعيا واقتصاديا الكل يتبرا مني


خلاص بانتحر بروح اطبح من زلفة بابنا


بابا : يالله صباح خير .. خلاص يابنت الحلال طالعتن على السكن ارتحتي



انا ذالك الوقت لاتعليـــــــــ ـــق



بابا يكمل : عجلي وش تبين ؟



انا بكل وقاحة : يابابا ياغالي ماغبت عن بالي

(( وفي هذه الاثناء اقوم اتنكس عنده وأبيي مغير يتحمد على العافية ))


يومني خلصت قلت : يبه ابغى اروح للمزرعة



بابا : وشووووو


انا : اقول اصلوح عليه تعبير عن المزرعة -------------------> اقرب مخرج



بابا : اها بس خلي عنتس التميلح



أنا : ابشر طال عمرك



بابا : تبين تروحين للمزرعة ؟


انا : اي والله يبه تكفى الهيسات كل ابابيهم هناك


بابا : وتخليني ؟!!


انا : هلا


بابا : افا عليتس بس توتس راجعة من الشرقية قد لتس اسبوع بعيدة عني , وتبين تروحين مرة ثانية ؟


انا : كان معاك الكاميرة الخفية ربحت معنا عذق برحي مبرووك


يكعها الوالد ضحك ويقول : مااقدر استغني عنتس يابنت الذينا


ويتركني ويذهب الى دكان ابو راشد




نمتوا