بن وهق ، وأهل الرويضة السلام عليكم قصيدة تشرفت بالمشاركة بها في إحدى مناسبات آل وهق في الرويضة وهي مهداه الى الشيخ عبدالله بن علي بن وهق رئيس مركز الرويضة أطال الله في عمره اتمنى ان ترضي ذائقتكم ..
الصدر واحد والروابع ملايين = قامت تناهش فيه مثل الذيابه ياليت لي بدل لساني لسانين = انظم ويمنايه تجيد الكتابه ياهل الرويضه كانكم مستعدين = انا على منبر قصيد وخطابه ابتمثل بينكم يالميامين = وانا حضوري وقفةٍ وإنقلابه بقول في هالمحفل الزين بيتين = والهاجس ليا جاد ماينتجابه وصلتني الدعوه وجوك الغزاوين = عزمتهم يابن وهق بالنيابه قالو تمون وبكره العصر ماشين = لابن وهق حتى نقف عند بابه حنّا يدٍ وحده ولا هي بثنتين = لا وصلنا المندوب يامرحبا به كلمه وأنصيها العقيد احمر العين = راعي المكارم والصطر والمهابه عبدالله اللي يسمع الهرج ذالحين = نعم الاماره والظفر والذرابه ابن وهق ذخري زبون المخلين = ليثٍ المواقف زاهب الاستجابه قبل امس جرّبناه فالموقف الشين = سيفٍ حدب واهل الرويضه نصابه واليا نسلته شفت فعل ابو حدّين = ياسعد من وقت اللوازم غزا به وقت القشر كنه صعوط المجانين = ووقت الرخا كله قبول وحبابه قال انتو الرصعان مانتو رخيصين = وتناوش حزامه وطق العصابه ياليت مثله فالقبيله لو اثنين = بالعون ياحتى الخطر ما نهابه وليت العمر يهدى ونهدي له سنين = ونبذل من الارواح فدوة شبابه ماينكر المعروف غير الرديّين = عساك ماتحتاجنا في طلابه ولا احتجتنا جيناك مثل السراحين = يجيك واحدنا وروحه زهابه اضرب بنا صعب الجلاميد ويلين = إنطوّعه لو كان كنّه زعابه وسلامتكم سعود بن عبدالمحسن الغزواني |
رد: بن وهق ، وأهل الرويضة صح لسانك ابو عبد المحسن وقصيدة جزله من شاعر يجيد حبك الشعر وابن وهق يستاهل |
رد: بن وهق ، وأهل الرويضة ياليت مثله فالقبيله لو اثنين بالعون ياحتى الخطر ما نهابه وليت العمر يهدى ونهدي له سنين ونبذل من الارواح فدوة شبابه ماينكر المعروف غير الرديّين عساك ماتحتاجنا في طلابه ولا احتجتنا جيناك مثل السراحين يجيك واحدنا وروحه زهابه اضرب بنا صعب الجلاميد ويلين إنطوّعه لو كان كنّه زعابه ابيات والله جزلة ومدح يستاهله ( الشيخ /عبدالله بن وهق ) قصيدة تبيض وجهك يعطيك العااافية |
رد: بن وهق ، وأهل الرويضة |
رد: بن وهق ، وأهل الرويضة الله يحييك تحية المطر والله لا يهينك ابن وهق يستاهل وانتم وافين ومافيكم قصور يالغزاوين وصح لسانك والله يبيض وجهك يابو عبدالمحسن |
الساعة الآن 04:42 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..