| |
09-11-2008, 02:31 PM
| |||||||||
| |||||||||
النمله
سوف اروي لكم قصه حقيقه حصلت مع جناب حضرتي المصون الي ما يتحمل الوحشيه والدمويه لا يكمل رجاء لا تقولون ما قالت بكيفكم بعد عناء طويل وجهد جهيد حصلت على غرفه بروحي صح مو ذاك الزود بس راضيه خطوه في طريق الاستقلال بعد ما سكنت في الغرفه اقصد غرفتي ودعيت دعاء الدخول " اللهم قني عذابك يوم تبعث عبادك " لقيت نمله من النوع الاسود الصغير الي يالله يمشي ثقل وعقل ورزه . تمشى في الغرفه قلت لها : هلا والله بضيوفي يا مرحبا واطمر يم المطبخ >>> شذره بعيد عنكم واجيب لها القهوه والشاهي والتمر ونجلس نتقهوى انا واياها وفله ووناسه طلعت النمله دمها خفيف مره مع اني كنت احسبها بتطقني طراق ان عطيتها الفنجال باليسرى . راحت وانا كلي امل ترجع عشان اسولف معها واحجر لها واحط عليها الكاسه واتفرج عليها وهي تدور >>>>> فضاوه وبما اني صار لي غرفه بروحي صار التهريب من الكليه كيندر على بطاطس على دونات شي بصراحه اول اذاا جبت شي صار علي هجوم فتاك وتفتيش الشنطه لين ما يفضونها عندي بسكوت غالي جدا جدا جدا على قلبي الا وهو بسكوت ديمه بالكسترد الي يجي طبقتين بسكوت بينهم كسترد >>>> الي بيضحك يا ويله ودايما اقول للمسؤوله بالكافتيريا ليه ما تجبونه وتجلس تكرها ضحك علي وانا الي اتحطم من جد يعني ما فيه امل اني اخليها تستورده للكافتيريا واصدره انا للبيت . ويوم جيتها من بكره قالت : جبت لك الكسترد بس حبه تراه لك قلت شكرا احسبها هديه . قاالت هيه هاتي حقه ( حقه يعني قيمته ) واطلع ريال . قالت لا حبيبتي هذا تهريب هاتي خمسه ريال ولا رجعيه وبما اان نفسي هافه عليه بالحيل فرضخت واعطيتها كل الي كان معي . خفت افتحه ياكله زميلاتي >>> يالله وبالله حصل ويبلعنه معصي ولفه بمناديل خوفا عليه وادعسه بالشطنه :: صدق تهريب) . يوم جيت البيت من الفرحه ؛؛ كن ولد جيراننا السوري خاطبني <<<< وافتحه واااااام لازيز اول بسكوته وثاني وخفت يخلص بسرعه قمت وخليت الباقي على الطرابيزه <<<< وشي الطرابيزه ؟؟؟؟؟ وانزل بتغدى ويحلفون علي اني اتغدى وانا ما غير اهوجس بالكسترد . ويجلسون يتميلغون الاهل حفظهم الله وكلن يقط علي كلمه وانا الي مزاجي رايق فاتحه كشرتي واتخيل باليل سهرانه مع ولد جيراننا السوري؛؛؛؛؛ الله مير يخلي الخدود الورديه؛؛؛؛؛ وانا اكل منالكسترد واتفرج في وجهه فجأه ؛؛؛؛؛؛؛؛؛؛؛؛ تجيني رفسه اعادتني الي الواقع المرير واسمع اخوي يقول : قومي زيني لي شاهي ووجع . واقوم وازين الشاهي واحط فيه كلوركس >>>>>> نذاله بعيد عنكم وحافظا لصحه اخي حيث انه يغسل السنون من الصفار يعني 2*1 . واطمر لغرفتي ............... ادور الكسترد ماهو بمكانه وانا الي اطلع البازوكا واطمر لغرفه اخوي خابرته قد نطل قبل هالمره ؛؛؛؛؛ وافجر بابه وادخل في هجوم مريع : هات الكسترد يالجحش لا بالبازوكا على بطنك اطلع كل الي كليته الا عوينات خيي الله يسلمه حاجظه من الخرعه التي لم يسبق لها مثيل. اخوي : والله ما خذيت الا حبه وخليته مكانه ما عجبني والله احب رجلينتس ما خذت الا حبه . انا : تسذب وتعقب الا كله ببطنك . ويمسكني مع يدي ويقول تعالي ندوره ويحلف انه ما كلا الا وحده ونسوي هجوم على كل الغرف مار ما حصلنا شي . ونرجع لغرفتي وندوره ونلقا النمل شايلاته لمقر الملك المفدى تبعهم <<<<< يا شيخه هههههه وماكل كل الكسترد ومعطي باقي شعبه كسترده وحده فقط >>>>>>حتى عندهم وانا الي تطقني (البتسوه) <<<< يعني دمعن عيوني وفيني بكاء شديد وقهر ما يعلم به الا المولى عز وجل . ويجلس اخوي يهدي فيني ويقول ما عليك بجيب لك كرتون كسترد العصر بس لا تبتسين تكفين . وانا اقول: طلبتك يا خوي وخر عن طريقي . واطمر للمستودع واجيب البف باف الطحين والبخاخ . وانصى غرفتي وانا الي ارشهم >>>>>>> صرتي مثل الكيماوي ايام صدام واكب الطحين على بيتهم لين غدى مثل الجبل . ويوم بردت تسبدي واروح لخوي قلت يالله جب لي كرتون كسترد زي ما قلت قال : اها فارقي زين انتي اصلا مصفره بدون <<<<<<< مصفره يعني لوني خمري على حمار <<<<< حمار يعني لون الخدود حمرا مو الي بالي بالكم . ودمتم (وهي قصه حقيقه ولا اسمح لاي احد بنقلها او طباعتها او اكلها )
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اذا قرصتك النمله ادعيها...ولاتأذيها!؟ | محمد | احتواء ما لا يحتوى | 7 | 11-05-2009 02:27 PM |
 |  |
العرض الشجري
