| ||||||||
آه من حسره غدت في قلب ذيب السلام عليكم في بلاد الأردن دارت الأحداث في أول القصيده وفي بلاد الحرمين دارت باقي الأحداث
آه من حسره غدت في قلب ذيب=تلتهب في الصدر وذاقتني عذاب طاحت الهمة وصار الشاب شيب=واستقى من مر حظه وستشاب جيت قبل الشمس تبدأ في المغيب=وجبت في اليدين قوته والشراب جيت والمنوه عسى خلي يطيب=داعي المولى عسى الدعوه تجاب وللأسف مكتوب في ضني يخيب=شفت عمه حارت دموعه وخاب قلت: ويش العلم في دمعك سكيب=قال :!! آه وليت ماقال الجواب هز رأسه ماقوى عني يجيب=قال اصبر وحتسب صبرك ثواب حّر جسمي وانكسر عظمي حطيب=وهد حيلي وانفطر قلبي وذاب كيف بقوى عن ممات أغلى حبيب=كيف بصبر عنه وهو أعظم مصاب بنت شيخً جدها الكاهن شبيب=بنت عفة سترها بيت وحجاب بنت ربعً دونها ربع اللهيب=بنت جودً كنها سيد اللباب بنت خوله خالها يقطن ثريب=بنت قومً للمصاعب هم صعاب ياوجودي وجد أجاويد وصِحيب=ياوجودي يوم اذر فوقه تراب كنه المرضان في يد الطبيب=ينشد الرأفه من الغزه يهاب ياوجودي يوم ودعت الحبيب=فوق قبره دمعتي تلمع شهاب راح عني آه وش هذا النصيب=راح في زهرة سنينه والشباب مات ماخلف عقب مغداه عيب=صفحته بيضاء ومافيها هباب ماشكى منّه بعيد ولا قريب=ومايرد الضيف من بعد وقراب ومايحس المغترب انه غريب=مايفرق بين اصحاب وغّراب كل خلق الله تشهد له فـ طيب=كلهم عزّوه ومحدً عنه غاب جمّهر العالم معا ريف ونسيب=يوم شفت دموعهم تبلي الثياب ينعي الناعي على فرقى اللبيب=من بكاهم كنها تمطر سحاب ماتقول إلا مساييل الشريب=تسقي الوديان وترويها شراب وقلت يارب الملا يالله تجيب=طالبينك والطلب ستر وحجاب ارحم الميت وجازي الطيب طيب=منزلً في جنة الفردوس طاب واجعله في ضل ضللك يامجيب=وفك له من باب عفوك ألف باب وصبّر اللي يلتهب دمه لهيب=في عيونه صارت العيشة سراب لا غدا من كان لي طب وطبيب=نعلبوها عيشةً عوجا الرقاب ما أبيها لو تداريني حليب=ودي الموته تعجل بالركاب رحمتك يارب ليا زاد العجيب=حالة المفجوع هلّوس بالعجاب وسلامتكم بجاد الحربي
آخر تعديل الشاعر الثائر غضب يوم
17-10-2008 في 02:37 AM. |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
وقفه يسره مع سورة العصر | ناصرعبدالرحمن | روحانيات | 17 | 18-04-2009 04:38 PM |
ينثني من خصره وردفه أيشيل 0000000!!!!!!! | سيف السهلي | نشيد الروح | 20 | 09-02-2008 12:29 PM |