| LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
| ||||||||
قصيدة الشاعر سيف بن محمد بمناسبة زيارة الامير فهد بن عبدالله لإبن وهق هذه القصيدة ألقاها شاعر المناسبات بالرويضة الشاعر / سيف بن محمد السهلي بمناسبة زيارة سمو الأمير / فهد بن عبدالله آل سعود للرويضة في ضيافة الشيخ عبدالله بن علي بن وهق السهلي رئيس مركز الرويضة
بلسان شيخٍ يكرم الضيف والجار = أبو علي مَلفى الضيوف الحشامي يا مرحبا يا أمير يا واف الأشبار = واللي حضر وأعداد وبل الغمامي يا أمير ياللي لك معزة ومقدار = بقلوبنا ويطيب فيك المقامي والمدح جاله في أهل المدح مشوار = وتستاهلونه يا عزيز المقامي والمدح ما جاكم بتلفيق الأشعار = انتم هل التاريخ طول العوامي وانتم هل الطولات وانتم هل الكار = وأهل الوفاء وأهل الكرم والحسامي وانتم هل العوجى عمى عين الأشرار = كم واحدٍ مما يشوف استقامي وانتم هل المجد المدون هل الدار = أبطال ما تِزحم نهار الزحامي وانتم لشرع الله حليفين وأنصار = ولولا الشريعة ما استقام النظامي يا حر يابن الحر يا ذخر الأحرار = متربع بين الخوال وعمامي فهد صليب الرأي محمود الأذكار = طلق الحجاج ولشكالات رامي يا طيب هوماته ويا طيب الأفكار = شخصيته تحظى بكل احترامي متسلسل من روس حكام وأخيار = آل سعود وحي ذيك الاسامي أسرة عدل والفخر بالقائد البار = عاش أبو متعب والوطن ما يضامي مليكنا اللي للوطن عز وستار = يذود عن شعبه وداعي سلامي ملك حكيم وعند الأزمات ماحتار = رأيه رشيد ونظرته للامامي ما ينحني إلا لعلام الأسرار = للواحد المعبود رب الانامي وللمسلمين حجاب في كل الأقطار = يبرز إلى جاء في العلوم انقسامي وعلى يمينه صيرمي ٍ وبتار = سلطان ستر مرودعات الوشامي درع الوطن عن كل طامع وغدار = لاجا نهارٍ فيه مثل العسامي وزير للي ما يهابون الأخطار = بواسل عن حدها ماتنامي ويمناه غيث اللي عليه الدهر جار = عدٍ يصدر من يجونه حيامي وحكامنا منا لنا تاج وشعار = نعم الملوك اللي عطونا اهتمامي والحكم ما جاهم بتصويت وشعار = جاء بالسيوف اللي تقص العظامي من كف أبو تركي بعد ماخذى الثار = في ليلة للقصر فيها ازدحامي هجد على عجلان في وقت الأسحار = وحذف براسة وأشقر الدم زامي ونادوا بعالي الصوت مع طلع الأسفار = يا أهل الرياض الفيصلي الإمامي وتبدل العسر بيسر عزم وإصرار = طوي الجهل وانزاح هاك الظلامي عساه في الجنة بعيد عن النار = جمع قبايلها على امن وسلامي وامن الوطن غالي وتفداه الأعمار = واللي يمس أمنه عساه العدامي الشاعر سيف بن محمد السهلي
|
| ||||||||
رد: قصيدة الشاعر سيف بن محمد بمناسبة زيارة الامير فهد بن عبدالله لإبن وهق الشاعر سيف بن محمد السهلي للحق ّ كان مبدعا في الالقاء وجمال الالقاء يعطي للقصيدة قوة تمثال 50% . ابو محمد شدّ الحضور وقبل ذلك سمو راعي الحفل وليس غريبا منك ابو محمد شاعر الرويضة 00000000
|
| |||||||
رد: قصيدة الشاعر سيف بن محمد بمناسبة زيارة الامير فهد بن عبدالله لإبن وهق |
| ||||||||
رد: قصيدة الشاعر سيف بن محمد بمناسبة زيارة الامير فهد بن عبدالله لإبن وهق |
| ||||||||
رد: قصيدة الشاعر سيف بن محمد بمناسبة زيارة الامير فهد بن عبدالله لإبن وهق |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصائد الشاعر الامير محمد السديري | محمد | صهيل القصيد | 10 | 26-10-2009 08:00 PM |
تقرير مصور : لاحتفال الرويضه بمناسبة سلامة الامير محمد بن نايف | عبدالرحمن الدحملي السهلي | أخبار الرويضة | 27 | 03-10-2009 12:56 AM |
قصيدة في مدح الشاعر / محمد بن سيف بن نصار السهلي | مسلط العتيبي | نشيد الروح | 11 | 05-09-2008 11:11 PM |
قصيدة الشاعر محمد بن لعبون في (مي) | محمد | صهيل القصيد | 6 | 08-04-2008 08:20 PM |
مرئيه // قصيدة الشاعر بدر بن عبدالله الخالدي | محمد | نشيد الروح | 12 | 19-01-2008 07:48 PM |