| |
06-10-2008, 04:12 PM
| ||||||||||||
| ||||||||||||
لإطالـــة الرمووش  هذا موضوع عطتنيااه وحده من صديقاتي تقول انها مجربته وماشي معاهاا وشافت فرق والي اشوف ماشاء الله زين رموشهاا وعطتنيااه والبنت ثقه ولكن للامانه ما ستخدمت الوصفه وبحطها لكم مثل ماعطتنياااهااا وانتوا وكيفكم المقادير : قفشتين وسط زيت الحبة السودا ( حبة البركة ) قفشة وسط زيت خروع بريطاني مركز ( تلقينه بغرشة زجاج صغيرة شفافة وعليه لزقة لونها ازرق ) عند الحواي قفشة وسط عسل نحل طبييييييييييييي يييييييييي عي قفشة شاي من : نواة تمر محموصة ومطحونة ( نواة التمر معروفة من حديث الرسول عليه الصلاة والسلام بما معناه انها تحد البصر وتنبت الرمش ) وكذا وحدة مجربة هالطريقة يعني تاخذين النواة وتغسلينها زين وتحطينها بالفرن لما تتحمص وتصير سودا وبس تدقينها بايد الهاون او تحطينها بخلاط البهارات بتشوفينها تتفتت بسرعة انا اسوي كمية كبيرة لما يصير عندي كمية مطحونة ومتى مابغيت اخذ منها قفشة شاي صغيرة واللي تبي تستبدل النواة بالاثمد لو هي خايفة او شي مافي مانع وهذا سر هالخلطة الحين تخلطين هالمكونات كلها في طاسة صغيرة وبعدين تعبينها بغرشة الماسكارا وتستعملينها عادي مثل ماقلتلج بالليل احسن بس للامااااااااااا نة انا جربته على نفسي وبنات خالاتي وخالتي بعد وبعت منها وايد وايد كمية كبيرة كل اللي خذوا رجعوا بعد اسبوع مع بنات خالاتهم ورفيجاتهم وخذوا منها خالتي كان فيها المرض الشين قبل 4 سنين اسمالله عليكم وعالجت بالكيماوي وطاح شعرها كله وحتى رموشها وحواجبها يوم طلع الشعر مرة ثانية طلع شعر رموشها قصير ومو مثل اول يوم عطيتها هالخلطة وجربتها اسبوعين صارت عيونها مسبلة ورموشها طالت واستانست وايد المهم هذي الخلطة صارت بين ايدينكم النتيجة تشوفينها من ثاني اسبوع لما بتحطين ماسكارا سودا العادية بتلاحظين الفرق الواضح 
 |
| مواقع النشر (المفضلة) |
|
|
 |  |
العرض الشجري
