طمني عليك

للشاعر محمد بن جار الله السهلي ..



يا الغايب اللي غابت سنينـي معـاك
يا جعل ما جاني من الفرقـا يجيـك

استغفر الله !! جعل ماجانـي فـداك
حتى لو ان نهايتي .. على يدييـك!

مسامحك .. واللي بقوله في قفـاك
خيرك كثير .. ويرحـم الله والديـك

ماصار شي ابلا رضاي الا رضاك
اللي ماهو فيني وابيه القـاه فيـك!

كنت السما في عيني وعيني سمـاك
كانت حياتـي كلهـا منـك واليـك

كنت بيديني مير مدري مـن خـذاك
حسبي على تقصيري وحسبي عليك

علمتني.. وش الحياه مـن الهـلاك
في موادعك هذا وفي جيّتـك ذيـك

ياكيف ابلقى شخص يسواني سـواك
كل مانويت انهيك في شخص ابتديك!

أبـدى أقـارن مستـواه بمستـواك
واخاف لاتزعل وابيعـه واشتريـك

والمشكله : رغم محبتـك وغـلاك
واني رغم كل شيّ مشتـاق وابيـك

ما هوب من حقي يضايقنـي جفـاك
ولااعشقك ولاالمحك ولااحتريـك!!

لكن ما يخفانـي ولا اظـن يخفـاك
حقي عليك .. انّك تطمنّي عليـك!!

الله الله

بمنتهى الروووعه الابيات تخليك غصب تتعايش معاها

بصراحه ابدع الشاعر صح لسان المبدع

وسلمت يمينك ع كذا انتقاء

تميزت بما اخترت

تحيتي لك

ياكيف ابلقى شخص يسواني سـواك
كل مانويت انهيك في شخص ابتديك!


صح لسان السهلي ولسانك


لا هنت على الاختيار

من ورائع بن جار الله صح ألسانه ملايين ,,
اخترتي وابدعتي في الاختيار ,,
دمتي بهذا الاختيار الاروع ,,

اختيار رااائع بحق

رائعة تلك الكلمات تجد منفذها للروح بلا استئذان

كأني أسمعها صوتاً ناطقا وأنا أقرأها

شكرا لروعة الإنتقاء