تفداك سابك والريال وعبيدة

#1 (**permalink**) 13-08-2008, 05:26 PM

خذتني الاسهم عن الشوق ياسعود...

.....اسبوع ماجابـت علومـي قصيـدة

بين القيادي والخشاش انثنى العـود.....

.....سهم يصيدك وانـت ودك تصيـده

الا شريت الكهربـاء مابهـا فـود.....

.....تنقص بربع ريال ... وترجع تزيده

وإن رحت للتعمير هامورهـا عـود.....

.....يرشـهـا لابــارك الله رصـيـده

وان رحت للباحة اكل عظمك الـدود.....

.....تبي المفطح ... وآخرتها عصيـدة

وجيزان ننخاها ولاجابـت الجـود.....

.....هامورها يتبـع حنيـذه ... ثريـده

وطيبة عجزت القى وراها ولو "عود".....

.....شهريـن اجالدهـا وربـي جليـدة

حتى المواشي قمت انا اقودها قـود.....

.....واطرد وراهـا مالحقـت الطريـدة

حظي مع "المعزاء" غدى اليوم ملدود.....

.....هامورهـا ماينقـط الـرزق ديـده

قومٍ يسوقـون الملاييـن بـبـرود.....

.....لوينجرح ... سال الذهب من وريده

وحنا على مهناش ... كابد ومكبود.....

.....نطرد ولا ندري وش اللـي نريـده

ان خضرن اليوم ... باكر غدن سود.....

.....وان حمرن باكر ...فعقبـه طريـده

كلٍ يقول انه مـن الـزود فـي زود.....

.....وهو ورب البيـت علـى الحديـدة

ماعاد باقي لي على طردهن " مود ".....

.....قفل مزاجـي واعلـن الهـم عيـده

من كابد الاسهم فهو صدق مقـرود.....

.....وطارد سـراب القايلـة مايصيـدة

التوصية بالكذب ... والدرب مسدود.....

.....وحلمه تعـدى ضـم وارث حفيـده

الرزق عندالله ... والعمـر محـدود.....

.....زهـدة فيهـا يارفيـقـي زهـيـدة

برجع لشوقي واقطع وعود وعهـود.....

.....تفـداه سابـك والريـال وعبيـده

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الخوف والرجاء وفضل الجمع بينهما	ابو أسيل	روحانيات	11	10-04-2010 10:29 PM
عاجل من واس: سابك ترفع أسعار الحديد ( تلغي وهم خفض العقار )	ابو شيبه	احتواء ما لا يحتوى	5	01-03-2010 11:41 PM
ياورد أنا وياك شابك ومشبوك	الدلع كلي	صهيل القصيد	8	12-04-2009 03:31 PM
كذا الفزعة و الا بلاش (للنساء والرجال خاصة)	بن طلحة	مساحة للضحك والفرفشة	11	19-04-2008 09:50 AM

تفداك سابك والريال وعبيدة

صهيل القصيد