السلام عليكم و رحمة الله و بركاته .
أهل الرويضة الأحباء بعد انقطاع طويل جدا لأسباب متعددة أعود من جديد و هذه المرة بطريقة لأول مرة أعتاد عليها و هي الخاطره العامة أو باللغة العامية المصرية و هذه تجربه لأول مرة أخوض فيها و أنتظر منكم من يعطيني المزيد و لكن ما نحن فيه دفعني لأن تكون عامية مصرية لأنها لا تصلح إلا أن تكون كذلك .
لكم كل التحية و التقديرمني .

أحمد صالح

على شط بحر كبير وقفت أبكي و تنزل دموعي بدمي

على وطن كان فيوم همه كل همي

وقفت أفكر نفسي إني في يوم يا أمي

عمري ما خفت منك و دايما كنت أشكيلك همي

وقفت أفتكر اني في قريب الزمان

جرى دمي على ترابك و انزاح الهوان

ضربت قلوع و حصون كتيره زرعها الشوك بضوافره

و الغول الكبير القاسي بإيديا دول حرقته

لا بنار ولا بكبريت ولا بجاز حرقته

و الله حرقته بدمي اللي خلّى الأرض وردي

دلوقتي ليه يا أما حضنك بالشوك ماليني

و الله حاسس انك بترشي بودرة العفريت في ضهري

و الغول الكبير من ما راح لعشة

تترجي فيه يرجع و يعسكر على أرض رواها النيل و دمي

اتقفلت أبواب كتير كنت فاكر أني فتحتها بإيدي

وسلاحي الصغير رميته و شيلت عشانك فاسي

رويت الأرض و الزرع لكن لقيت القوت لغيري

و انا المسكين يجيني فتات من بواقي فتات بترمي

فين و فين أحلامي اللي كانت بيدي

مش لاقي غير البحر أرهن عشانه فلوس دهبي

و الأرض اللي بتأويني

علشان أرمي ابني ونفسي فيه

لعله من شوكك

ممكن في يوم يهَدِّيني