قل لا اذا اغروك في مفرق الليل

قل لا اذا اغروك في مفرق الليل=قل لا انا لي صــــاحبٍ ما نساني
قل لا انا اغلية بالحيـــــل بالحيل=وخليت حبه شمعةٍ في زمانــــي
اسقاني من هم الهوى قول وقيـل=وبعض الكدر همٍ على القلب باني
قل لا اليا ربع زمانه عقب ســـيل=يلقى حنانه باقي له حنـــــــــــاني
سلم علي يومٍ ظلال وشماليــــــل=وودق الهوى يسقي زهورٍ غواني
وسلم على حبه ولو اجهد الحيــل=جاني على غفلة عقب ما نسانــي
وسلم على اهل العيون المظاليـــل=اللي لهم بالحب خاطر وشانـــــي
وقل لا وقل لائين وعللني تعليـــل=انا انتظر شوفك وحبك شقانـــي