قصيدة الصخره

قصيدة الصخره وهي من اجمل القصائد وقد اختلف عليها كلً
من الشاعرين عبدالعزيز الفراج و سلطان الهاجري
فالكل منهم يقول إنها لها وهاذا لايعنينا وإليكم القصيده

واهني الصخرة اللي ماتحرقها السمـوم=والزمان اللـي يهـد العـزم ماهدهـا
الزمان اللـي تحـدى قوييـن العـزوم=ليـن مشاهـا علـى ود ماهـو ودهـا
المجامل بعض الأحيان مايقضي لـزوم=قاضب النفس الضعيفه ولاهـو قدهـا
كل ماكبرت وضاقت على عيال الرخوم=نحتزم لأكبر مصيبـه وناطـا خدهـا
ياعيـال آدم وحـواء تراهـا ماتـدوم=دورة الأيــام لابـدهـا لابـدهــا
أدري ان فالناس معطى وفالناس محروم=هيـه يابيـض النوايـا ويامسـودهـا
جعل قسمي عند ربي من خيار القسـوم=واحـدٍ يعـط العطايـا ولا يرتـدهـا
ياوليد البط وشلـون ماتعـرف تعـوم=وانت أبوك يعوم جزر البحور ومدهـا
أنت ياحلمٍ حلمته ماهـو مثـل الحلـوم=ياضحية مزح الأحلام مـادري جدهـا
ياضميري لايهمك مـن الدنيـا همـوم=الصعيبـه حلهـا والبسيطـه عـدهـا
جات في شد الشوارب وفي قرب الخشوم=كبر الضيفه وعش الضيـوف وغدهـا
الردي لو درس المرجله في كـل يـوم=المراجل عنـد أهلهـا يذعـذع ندهـا
ماكشفت الا وضـع والنمايـم والعلـوم=يارسول الحكي هـات العلـوم اودهـا
الصفوف ثنين هـذا دفـاع وذا هجـوم=وانت أظنك مانت معها ولا أنت بضدها
مير في سوق الأظله تريـح ومخـدوم=وان ذبحك الجوع كد التكاسـي كدهـا

الله صح لسان قايلها

فعلا قصيد رائعه جدا جدا

تميزت بهالأختيار


ودمت

الله عليك يا شقران

تسلم ذائقتك اخوي

بس كيف اثنين اختلفوا على القصيدة

وين رايحين ما يحطون عليها وسم هههههه

الا صدق مثلا لو واحد طمع بقصيدتك وش تسوي ؟؟

قصيدهـ في غاية الروعه والجمال

ذوق بالاختيار والله

صح السان الشاعر وسلمت يمناك

يعطيك العافيه ماقصرت،،

وفا

قصيدو حلوة آعتلى ذوقك شقرآن