عقب الغلا والحب السلام عليكم ورحمة الله وبركاته هذه قصيدة للشاعر سيف بن محمد السهلي شاعر المناسبات بالرويضة اتمنى انها تنال اعجاب الجميع
دنياي تكويني على ثومة الجوف= كية على كية تغير حياتي كني مع العربان لااسمع ولا أشوف= اظلم سماي وتهت من غير ذاتي والقلب من صكات الأيام ملهوف =على عنود(ن) مطابتها شفاتي باسبابها قلبي عن البيض مصروف= ماله نظر في باقيات البناتي راع اشقر(ن) من فوق الامتان ملفوف= يزيد حبه كل صبح ومباتي لاهوب لا عجل(ن) ولاهوب ملقوف =سبحان خلاقه حسين الصفاتي اقفى وقفينا صواديف وظروف= واسرارنا بالقلب متمكناتي هذا القدر ماعنه صده ولا خوف= مكتوب والمكتوب شئ(ن) ثباتي وقلبي مع سيد الغنادير مكتوف= ماله منافذ من جميع الجهاتي يا صاحبي منتب عن القلب منذوف= اتعبتني واشقيتني في حياتي اليا ذكرتك هلت العين مذروف= عقب الغلا والحب صرنا شتاتي الشاعر سيف بن محمد السهلي الرويضة |
رد: عقب الغلا والحب قصيدة جميلة للشاعر سيف بن محمد السهلي وماقصر يابونواف |
رد: عقب الغلا والحب السلام عليكم ياسلام عقب الغلا والحب صرنا شتاتي صح السانه تسلم على نقل القصيدة تحيتي |
رد: عقب الغلا والحب والقلب من صكـات الأيـام ملهـوف***علـى عنـود(ن) مطابتهـا شفاتـي باسبابها قلبي عن البيض مصـروف ***مالـه نظـر فـي باقيـات البناتـي راع اشقر(ن) من فوق الامتان ملفوف***يزيـد حبـه كـل صبـح ومباتـي الله صح لسانه ..والله قصيده رائعه يطول بعمرك على هالأختيار ودمت |
رد: عقب الغلا والحب
|
الساعة الآن 11:19 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..