أأنـتـي . .(( مـكـرهـة الـرجـال بـنـسـاهـا ))

#1 (**permalink**) 08-05-2008, 11:41 AM

رائعه لسلطان بن بتلاء

/

*

\

من كثر مااشوف الحلا فيك .. اسمّيك
انتي " مكرّهة الرجال بنساها "
ماهوب من طيشك وقلّة مباديك
الفاتنه تفتن وهي في غطاها
من شاهدك ولاحصل له يصافيك
والله لتبطي صورتك مانساها
باخلاقك..دروس ٍ لمنهم حواليك
ان المره ماهي بقلّة حياها
واللي مكبّرك بعيوني ومدنيك
ماانتي من اللي : " من بغاها لقاها "
تعبت حتى صرت شوقك وغاليك
في ليلة لايمكن انسى مساها
تنساق لك .. كل المشاعر " تماتيك "
غصب ٍ عليها ماتجيك برضاها
دايم يقال : (الجيب واحد) وابعطيك
قلبي ..واقول : (القلب واحد) معاها
عندك من اوصاف الحلا .. مايخليك
الحسن نفسه في حلاك يتباها
وجهك ..جبينك ..نظرة عيونك.. يديك
شعرك ..قوامك..قصةٍ مارواها
الا انتي..ولبا جمالك ولبيك
كلمة ( جمال ) بخلقتك محتواها
يالغلطه اللي كل ماجيت ابخطيك
حال الزمن ويّا الظروف ومحاها
معطيك قلبي.. عاد ماني موصيّك
صونيه ..يااغلى من جذبني هواها

* * * *

وسـلامـتـكـم

أأنـتـي . .(( مـكـرهـة الـرجـال بـنـسـاهـا ))

صهيل القصيد