صندوق الوارد بجوال البنات ....اضحكوا ياشباب

#1 (**permalink**) 06-05-2008, 02:24 PM

(01) خلود وش بتلبسي في زواج ريم

(02) ياليت يا قلبي تجيبين معاكي بكره ملزمة علم النفس

(03) اسمعيني بسرعة حطي على قناة ( هي ) فيها عرض الأزياء اللي قلتلك عليه .

(04) أهلين الحلى اللي عطيتيني طريقته اليوم كم مقدار السكر

(05) ما حبيت ازعجك بس ببشرك بشارة حلوه دكتورة العربي في آخر الدوام اعتذرت عن محاضرة بكره يعني نوما هنيئاً

(06) معليش يا دنيتي دقيتي علىّ وكنت نايمه والحين ارسلك من جوال اختي لان جوالي استقبال .

(07) مساء الخير وش رأيك اتفقت مع البنات نطلع للملاهي تخاوينا .

(08) الله يعطيكي العافية اذا شفتي امي يا بنت خالتي الحلوه في الزواج قولي لها تدق على أخوي لانه يدق عليها وشكلها مع الطق ما تسمع يبي يعرف متى يجيها

(09) حبيبتي ياليت ترسلين لي رقم جوال موضي أبيها ضروري

(10) لو سمحتي أقصد لطفا وليس امرا وإنتي رايحه للسوق ياليت تسألين عن قيمة القماش اللي قلتي لي عليه .

(11) اسمعي يا حلوه بدون مقدمات ما دمتي في بنده أسألي عن فواصل اذا كان العدد الجديد نزل .

(12) السلام عليكم ما حبيت أحرجك بس عظم الله اجرك وغفر الله على موتانا وموتاكم وخليكي من الصابرين .

(13) مسائك هادي يا أحلى ناسي والف حمد الله على السلامة في عدوينك ولا فيكي .

(14) هلا وين عزمتو بكره عليه قبل لا يتأخر الوقت بقول لأهلي .

(15) يا دنيتي افتحي ( ام . بي . سي . اف . ام ) الاغنيه اللي فيها إهداء مني لكي .

(16) الله يعافيكي بلغي البنات اللي ما شفتهم ان مها سوت حادث ودخلت المستشفى اذا بيسألون عنها .

(17) نجلاء يا عيوني وإنتي جايتنا ياليت تجيبين معاكي فستانك اللي بفصل عليه .

(18) يا عيوني انا في السوق ياليت تعطيني نوع الروج الوردي ضروري .

(19) يا حلاه من صباح وانا اسمع فيه خبر البيبي الف مبروك يتربى بعزكم .

(20) يا حبي أعرفك نسايه ترى بكره عندنا اختبار انجليزي .

(21) مساء الدلع والولع يا عمري اذا كنتي فاضيه ياليت تدقين على الثابت أبي احدد معاكي اختبار ملزمة بكره

(22) سارة . وش اسم آخر عطر من شانيل اللي قلتي لي عليه اليوم

(23) كيفك أخبارك من حقي عليكي اذا شفتي عنود في الزواج سلميلي عليها كثيــــر .

(24) يا هوه يا عرب وين الناس تزوجتي وقطعتي فينا من لقى احبابه نسى اصحابه والله لنا

(26) اذا ما أكلف عليكي ياليت يا قلبي تجيبين لي معاكي كتاب الدكتوره عزيزه .

(27) صباحك حلو لانك داخله الصيدليه على هالصباح جيبي لي معاكي بندول أنا مصدعه وما حصلت مع البنات ولا بالجامعه .

(28) أمل يا عمري انا بتأخر شوي لاني بطلع للمشغل على العموم اطلبوا لي عشا معاكم ليما أجي .

(29) لا يفوتك اليوم المسلسل الحلقة الاخيره في قناة دبي .

(30) ياخبلة دقيت عليكي وجوالك مقفل على العموم لا تدورين على نظارتك لانك نسيتيها عندنا . (( أتخيل شكلها.ههههه))

(31) أهلين يا احلى الحلوات اعذريني ما اقدر اجتمع مع البنات عندك اليوم امي تعبت شوي وخيرها بغيرها سلمي على الجميع

واتمنى تعجبكم

م ن ق و ل

#2 (**permalink**) 06-05-2008, 09:30 PM

ههههههههههههههه هه
والله اضاهر ان هذا الي صاير وانا مدري

تسلم بوطارق.

#3 (**permalink**) 06-05-2008, 10:36 PM

ابو طارق في جم مسج صح

بعدين ياحلو مسجاتنا ليش يعني

ذرابه ههههههههههه

يسلمووو

#4 (**permalink**) 06-05-2008, 11:18 PM

احلا شيء والله ...

مشكور اخوي

#5 (**permalink**) 06-05-2008, 11:53 PM

وش تبي أحلى من هالمسجات

..

ودمت

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رساله في علبة الوارد	سمو الاحساس	الجوال .. و الإتصالات	8	12-06-2009 11:06 AM
تعالوا اضحكوا على القناه الرياضيه والقطو الاسود ههههه	سلطان الشوق	لُغَة الصور .. والكاريكاتير الساخِر	12	09-06-2009 03:33 PM
صندوق الوارد<<بجوال البناااات	خالديه ماتهاب	مساحة للضحك والفرفشة	5	26-11-2008 07:22 PM
بنـــــــــــــــات المـــــاسنجــــــر ....ياشباب ياشباب شوفوا البنات	تركي عفيش	مساحة للضحك والفرفشة	14	06-08-2007 03:49 AM
طريقه لنقل المسجات من الوارد الى الملاحظات	محمد	الجوال .. و الإتصالات	10	20-06-2007 12:58 AM

صندوق الوارد بجوال البنات ....اضحكوا ياشباب

مساحة للضحك والفرفشة