| |
11-04-2008, 07:38 PM
| |||||||||
| |||||||||
زوجه ذكية وزوج صامت رجل تزوج من إمرأة... يصرف عليها وعايش معاها... وأنجب منها اطفال وتحبه ويحبها .. بس يحبها بدون فضفضه للمشاعر صح هو يصرف ويلبي إحتياجات البيت لكن ما يهتم ولا يكترث ... هو مو مقصر بس في نفس الوقت غير مبالي باللي يصير... المهم بعد عشر سنوات جات زوجته الطيبه ذات العقل الراجح ... واعطته شريط سمعي عشان يسمعه في السياره الصباح وهو رايح للدوام.. الرجال اخذ الشريط و ركب سيارته وشغل الشريط وتوكل لدوامه.. انتظر 20 ثانيه ولم يبدأ الشريط في سرد محتواه .. 40 ثانيه مروا ... قدم الشريط شويه .. ولا زال الشريط صامت بعد دقيقتين اتصل على زوجته .. وقال لها: يا بنت الحلال هذا الشريط ما بدا وما فيه شي .. قالت له : انتظر شويه .. بيبدأ .. بس قدمه شويه الرجال قدم الشريط .. ولازال صامت .. اتصل بزوجته مره ثانيه وقال لها نفس الكلام ... وهي هم بعد طلبت منه يقدم الشريط.. وقدم الرجال الشريط ... ووصل العمل .. المهم الشريط لم يبدا بعد واول ما دخل المكتب اتصل بزوجته ... وقال لها : انتي يمكن عطيتيني شريط بالغلط .. مافيه شي الشريط .. قالت له: وانت راجع من الدوام اقلب الشريط.. خلص الرجال الدوام وقلب الشريط واللي صار نفس السالفه .. قدم شويه!! واتصل بزوجته .. ... وقدم شويه !!واتصل بزوجته .... المهم الرجال وصل البيت وعصب وقال لزوجته : انتي تضحكين علي ووووووو.. قالت له : وين الشريط قال: هذا هو الشريط قالت له: استريح.. وراحت جابت مسجل وحطت الشريط ورجعته من اوله .. وقالت له تعال اسمع !! انتظروا دقيقه ,, دقيه ونصف قال الزوج : شفتي ان الشريط فاضي .. قالت له : لا تستعجل اصبر شويه وصبر الرجال 5 دقايق... وقال نفس الكلام وهي بعد قالت له ..اصبر شويه !! خلص الصوب الأول من الشريط ؟؟ وقلبته الصوب الثاني ونفس السالفه .. قال الرجال : انتي تضحكين علي ولا على نفسك ؟ قالت له اصبر شويه ..!! هنا صرخ عليها خلاااص ما اقدر اصبر ... الزوجه هنا طفت المسجل وقالت: يا زوجي ... يا رجل مو قادر تصبر على الشريط نص ساعه ... ساعه وهو فاضي .. وانا المراة صابره عليك 10 سنوات وانت فاضي!! الرجال فهم قصدها وبعدهاا انصلح حالهم .. وتغير حالهم للاحسن بمجرد فكرهـ بسيطه .. منقولــــــــ.. .
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| نفسي اعرف ليه نسوي الحركات هذي؟؟؟ | محمد | مساحة للضحك والفرفشة | 8 | 14-09-2009 03:15 PM |
| لاتيأس | صديقة القلم | احتواء ما لا يحتوى | 13 | 12-08-2009 03:17 PM |
| لماذا لا يمكنني أن أخسر وزني | شيخة الصبايا | الوقاية خير من الف علاج | 19 | 28-09-2008 05:50 PM |
| نصائح مطبخية لربة بيت ذكية | محمد | من صُنعِ يديها | 10 | 05-09-2008 05:37 PM |
| @ مليون نشوى يعود لقطر للمرة الثانية@ | أبو سعد | نشيد الروح | 6 | 03-05-2008 04:10 AM |
 |  |
العرض الشجري
