| |
  |
 |
| |||||||
| حوار ومنطق قضايا اجتماعية على مائدة الحوار الهادف![يمنع المنقول] |
 |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
| |
09-03-2008, 02:55 PM
| ||||||||||||
| ||||||||||||
الـــــــــــى مــ نـــــ يــــهـــمــه الا مــــ ر:::::  السلام عليكم يا اخواني من اداريين ومراقيبين واعضاء ... كيفكم اربكم بخير وطيبين بصراحة من عقب موضوع حفيد مجمش عن الصور وانا عرفت اني طـحت ولا حد منكم قال بسم الله عليتس . المهم مالكم بالطويله بختصر هرجي ذى وبقول لكل مقام مقال واسمحولي ياخوني الاعضاء من الرجال .. باالاخص واخص الرجال لاني وبصراحة ما تخيلتهم كذا ناس محترمين وناس في قمة الرقي والاسلوب الرايع هنيا لتس يامجالس الرويضه بــئبنائك الكرام اولاد الكرام وكيف لا يكونون كذالك وهم ابناء ها ذي الديره الجميله .. وابيكم ياخواني تسمحون لي على ما بدر مني من ضحك وهستره في مجلس الحوارات والنقاشات االجاده لانه وبصراحه ما اعرفكم بس من شفت التصوير وانا قلت يابنت هذولاء ابناء الديره وانتي تخاطبين ناس م اي ناس انتي تخاطبين عقول فاهمه ومتفتحه بغض النظر الاختلاف في وجهات النظر يا خواني لان الاختلاف في وجهات النظر ما ظنيت بفيسد في الود قضيه ياجماعة الربع والا انا غلطانه . بس ابي منكم العذر والسموحه لاني حسيت اني غلطت عليكم او كنت بجيب العيد فيكم بس الحمد لله ان حفيد نزل موضوع الصور واحب اشكر الموسس لهاذا المنتدى لاستاذ محمد ا لسهلي , والاخ ابو رهف , وعازف , وعبد الله بن فيصل, وتركي , والكابتن , والرسام,ابونواف وعالي , روحي تحبك ,كنق الفياض,ابورنا,ع لي خميس,يونس,عابر1 , وحفيد مجمش , والربع كلهم من دون عدد وسلمتو يا اخواني واسمحولي مرة اخرى على خبالي وهسترتي يا جماعتي وعزوتي الاعزاء . وعقب ها الشكر عاد جيتكم بموضوعي وها المرة موضوعي جاد ولا يحتمل للضحك او المزح موضوعي اليوم ياخواني واخواتي الكرام هو عن اولادنا وما ادراك ما اولادنا واقصد باولادنا اللي في المراحله الابتدائيه بالاخص اي من سن 7 سنوات الى 12 سنه طبعن كل منكم مدرس او وكيل مدرسه او مدير او اخصائي اجتماعي بالمدرسه . فهل ياترى وياهل ترى قد سلتو الاعيال في المدرسه منهو مفتي عام المملكه او قلتو ميدهم جيبو لنا 10 اسما ء لمشايخ معروفين ؟؟؟ السالفه ياطوبلين العمر والسلامه انه جانى ولد اخوي وقالنا اليوم قالنا المدرس منهو مفتي عام المملكه ؟؟؟ ويقول الولد محد جاوب عليه ما عرفناه ولاحظو الولد ابو 12 سنه في المرحله السادسه الابتدائيه يعني على قولتنا رجال ... وسالهم المدرس يا عيال منهو ولا حد جاوب وقام واحد من الطلاب وقال المنجد وردعليه مدرسه بالاجابه لااااااا وقاله ليه قلت المنجد يعني تعرف اسمه رد الولد وقال لا بس امس جاي ببرنامج في المجد اسمه الراصد .. المهم وسالهم مدرسهم عن لاعبين الاجانب ولقى الكل تفاعل معه وقام يجاوب اللي في ريال مدريد والا برشلونه والا البرازيل والكل قام وجاوب هينا احتسر المدرس ونادى وكيل المدرس وقاله السالفه كلها وبصراحه اعجبتني شجاعة المدرس قال قدام الطلاب انا حنا السبب ما علمنا اعيالنا على ابسط شي يعرفونه .. والسوال هنا هل حنا علمنا عيالنا عن اسامي مشايخنا الكرام ؟؟؟؟ لا حشى ما ظنيت بالنسبه لي انا ولعيالنا . ملاحظه للجميع اسالو اعيالكم منهم مشايخه الحرمين المكي والنبوي وتعرفون الاجابه يا خواني... ودمتم سالمين واسمحولي على دمج الموضوعين مع بعض بس جا كذا يا احبااائي ... 
آخر تعديل aymanqawareeq يوم
09-03-2008 في 03:04 PM. |
|
09-03-2008, 07:07 PM
| ||||||||||||
| ||||||||||||
رد: الـــــــــــى مــ نـــــ يــــهــــه الا مــــ ر::::: اهلين هوى الديرة مساتس الله بالخير من اول موضوعين شفتها لتس وانا اقول ان في راستس شي بس مدري وشو لكن ماحصل الا كل خير وعلى ماقلتي الاختلاف لايفسد للود قضية نرجع لموضوع النقاش وهو ان ابنائنا مايعرفون اسماء المشايخ طيب وش بيستفدون من الاسماء اذا لقناهم اياها مثل ماتم تلقيننا في المدارس لكافة المناهج واللي اكثرنا من يوم يطلع من الاختبار وهو مسوي ديليت على طول لأنه فقط تلقين وليس فهم بدل ان نلقنهم ونخليهم يحفظون الاسماء والاقوال والعادات والتقاليد ليش مانخليهم يفهمونها اولاُ ويعرفون المطلوب من معرفتها . بدل مايعرف ان فلان هو المفتي لازم يعرف اولاٌ وشهي الفتوى وبدل مايعرف ان فلان عالم فقهي لازم يعرف وش الفقه والتفقه في الدين والفايده منه انا ارجع السبب الاول للأهل والمدرسة ثانياٌ او التعليم بشكل عام تقولين انهم حافظين اسماء لاعبي كرة القدم اكيد كنت شخصياٌ اعرف لاعبين كرة القدم اكثر من رواة الحديث الشريف وأهتم بهم ومتابعة فرقهم اكثر من متابعتي لدراستي ومن الممكن ان يكون للعمر دور في ذلك ولكن الآن لا أهتم كثيراٌ بمثل هذا الأمر . لأن لاعبي كرة القدم والفنانيين هم المتواجدين امام النشء بصورة مكثفه اكثر من اهل الدين فنجد القنوات التلفزيونية والصحف والمجلات وايضاُ الانترنت فمثلاٌ لو كان هناك مبارة بين فريقين مثل النصر والهلال وكان في نفس الوقت يوجد محاضرة للمفتي ومعه بعض كبار العلماء والأب وابنائه يتابعون التلفزيون وش ظنك النسبة اللي بيناظرون المباراة واللي بيناظرون المحاضرة اتوقع تسعين بالميه مع المباراة والباقي مع غيرها . يعني اقولتس  ( وينشأ ناشئ الفتيان منا ## على ماكان عوده ابوه ))والدليل ان الطفل اللي تقولين رد على المدرس وقال المنجد ليش طيب قالها ؟؟ لأنه شايفه بقناة المجد لكن لو قراء الطفل فتوى في المدرسة وشرحت له مثلاٌ عن الارهاب وقلنا ان صاحب الفتوى هو الشيخ فلان مفتي المملكه وهو وقدمنا له نبذه عنه وقدمنا له مواضيع تشده مثل نصائح من الشيخ ابن عثيمين للاعبي الكرة ونصائح من الشيخ ابن باز لمن يمارس التفحيط بالسيارة اتوقع مثل هالامر بيجيب نتيجه كبيرة مع الصغار كتبت هالرد على عجل وبإذن الله لي عودة ممله وسلام عليكوم . |
|
09-03-2008, 07:16 PM
| ||||||||||||
| ||||||||||||
|
رد: الـــــــــــى مــ نـــــ يــــهــــه الا مــــ ر:::::
اهلن ببوسيف وعليك السلام طيب بكون معك في كل شي فرضا طيب انت علمت اخونك عن المشايخه او سالتهم منهو ذى الشيخ ؟؟؟ عاذى المستخدم يبغى يعرف الاجابه <<<<<<<< |
|
09-03-2008, 07:30 PM
| ||||||||||||
| ||||||||||||
رد: الـــــــــــى مــ نـــــ يــــهــــه الا مــــ ر:::::
ايه نعم سألتهم اخواني الصغار اثنين اللي بلأبتدائي الكبير بصف سادس وعارف الكثير من اسماء المشايخ والصغير بثالث ابتدائي للأسف يقول ما اعرف ولاتروحين بعيد ترى سألته عن لاعبين الكورة قال : ما اعرف الا النصر يعني حتى لاعبين مايعرف وسألته عن الفنانيين ويعرف محمد عبده علشانه يشوفه بالقناة الاولى واغنية التاكسي يسمعها في الكمبيوتر اتوقع معلومات وافيه بإمكانتس تبنين عليه اجابتس انا بالانتظار ........... |
|
09-03-2008, 10:56 PM
| ||||||||||||
| ||||||||||||
رد: الـــــــــــى مــ نـــــ يــــهـــمــه الا مــــ ر::::: الامريهمنا جميعا (هوى الديرة) موضوع جدير بالنقاش لكلاهما:. الاول: عن الاعضاء والديرة واالضيافة وهذا ديدنهم في واجب الضيافة عامة والمعزب عاداته من هذا واطيب -الرسام- في الضيافة والاتكيت (برستيج)متعوب عليه الله يحفظ معزبته من عيونكم قولواماشا لله على شغلها الهاي وترى التصوير مو المصور هذا منالدرجة السياحية بس مالك الاّ خشمك لوهو عوج يصور الضيف والابتشوفي الهبال بس أنتي كان نظرتك قاصرة لنا في تفكيرك اوفي صومعتك !!!!انا لانزال في العصور المظلمة توقعتي الثياب الوان الطيف وثوب قصير وثوب طويل والثاني مشقوق ووووووووووووو الظرة الاخرى لك عن الضيافة مثل المدن قهوة (كبتشينو)او موكا وووووووووووووو ويقدم بدل التمر( الشكليطة)وين الضافة وين العادات الاصيلة؟!! الاكل يقدم بالمدن من المطعم فقط رز ومادري وش الخروف من الثلاجات الحلوى من جهينة وماشابهه المعجنات من المخابزوووووووو ووووووووووووووو ووووووووو بالنسة لنا عكس ماذكر الضيافة الترحيب بالضيف الصغير والكبير العود من أفضل الدرجات القهوة المعمولة بالمنزل مو من المحامص الاكل من المنزل المعجنات الحلوى بشتى انوعهما لاتتوقعي او تتخيلي العكس المرقوق الكبن العصيد العريكة المطازيز ووووووووووووووو وو الدنيا بخير المدن الكبيرة يتعطشون على الزيارات لتعليم الابناء عادات الضيافة والكرم ثانيا :. أجبت على جزء من السؤال في طرحك الموضوع الثالث بنسبة للمعلم والمدرسة من الناحية عدم المعرفة للمفتي او رقام المشائخ الذين هم يؤخذ منهم الفتوى فهذا يلزم ويخص المدرسة في المسؤلية التعليمية قد يجهل من يسال وياخذ بفتوى مخالفة من غير مؤهل لهاوهذاواجب على المدرسة و مدرس التربية الاسلامية المعذرة (هوى الديرة)بس موضوع ممتاز وأسف اذا حصل عدم فهم لما أقصد ونتطلع لطرحك المثالي تحياتي آخر تعديل ج ــســــد يوم
12-03-2008 في 11:19 AM. |
|
| مواقع النشر (المفضلة) |
| أدوات الموضوع | إبحث في الموضوع |
| انواع عرض الموضوع | تقييم هذا الموضوع |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| يا لــــ zizz | ابو نـــmkـــواف | مرفأ البداية وروح التواصل | 8 | 05-11-2008 03:03 PM |
| وفــــ 9000 من الجمال ـــــــا العيـــ من الإبداع ـــــون | أحمد صالح | مرفأ البداية وروح التواصل | 27 | 03-01-2008 10:08 PM |
| عواطف ناصربن حضرم..ترجمتها في ابيات ارجو ان تنال الاعجاب**نـــــ بن حضرم ــــاصر** | محمد | نشيد الروح | 7 | 24-03-2007 12:00 PM |
 |  |
العرض المتطور
