| |
  |
 |
| |||||||
| الجوال .. و الإتصالات أكثَر من مُج ـرَّد إتصالات ! |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
29-02-2008, 03:14 AM
| |||||||||
| |||||||||
عتاب + فراق+ مرجله+ اجتماعيه+ نصيحه......(( خش وماتندم)) ابيات قصيره اسمعوني يالنشاما ويش انا قايل سوالفن ماتفشل وجه راعيها ان ماقيل صح لسانك القايل عيبن عليه القصيده يوم اسويها ............... ............... ............... ..... ............ لاصار خللك مستحق المسبه سبه ترى العشاق غيرك يسبون لابوه لابو واحدن مايسبه لابو الغرام الي يحدك على الهون يلعنبو قلب غشيم يحبه ملعون واللي مايخليه ملعون والراس محدن يقطعه غير ربه واللي جفا غيره من الناس مليون ............... ............... ............... ..... ............... ... سامحوني لو رحل جسمي وغاب سامحوني حتى في القبر استريح في حياتي ما لقيت غير العذاب عايش بأحزان ومن همي طريح سامحوني ظنكم فيني سراب حظي لاشلته غصب عني يطيح والوصيه لادفنوني في التراب خلو الغالي على قبري يصيح ............... ............... ............... ..... ............... ... انا هواي ورغبتي شبت النار بجو خلا مافيه عج وتغابير جو خلا ماداج به كل دوار فيه النفل وي الخزامى مزاهير وخوت رجال بالمرجال لهم كار اللي لهم بالقلب حشمه وتقدير ............... ............... ............... ..... ............... عسى الردي ياكاسب الطيب يفداك ماهوكفو يفداك يفدى رجولك انت الذي على روس الاشراف مبداك والا الردي مهما تعب مايطولك مدت يمينه ماتجي عند يسراك واغلى ثيابه متساوي نعوللك ............... ............... ............... ..... ............. يامرحبا ترحيبتن كلها ذوق ذوق العسل والعود الازرق تذيعه برسالتن جتني وانا اشتاق وتوق لاهل المذاقات النظاف الرفيعه ياللي علينا تحمل الشوق مطبوق شرواك نشري رفقته مانبيعه ............... ............... ............... ..... ............ لي صاحب يسوى ثلاثين رجال كل شهد وانا بعد شاهدله طيب وفي كريم في كل الاحوال ومن عاشره اقسم قسم مايمله كنت اتعذر له اذا زل او حال بيني وبينه ماتجي اي زله انا اشهدانه ياهل العرف رجال روحي وعيني لويبي فدوة له ............... ............... ............... ..... ........... ياطير يللي بالتغاريد غنيت هيضتني ياطير واشغلت بالي ذكرتني بصويحبن عنه سجيت ذكرتني بالزين حلو الدلالي ياطير بوصيك لاطرت وتعليت وكفخت بالجنحان ياطير عالي وصل سلامي للخوي شمعه البيت وقله عقب فرقاه ياشين حالي ............... ............... ............... ..... ........ افطن لوقتك لو بدالك بصافيه الوقت مايرحم ولاهوب ياوي راعي الردي ياصاح بالك تخاويه من رفقته لابد تشوف البلاوي دور ع اللي يرفع الراس طاريه ون ماحصل ماهو ضروري تخاوي ............... ............... ............... ..... .......... غاب عن دنيتي بأمر الظروف غاب وشجون فكري تتبعه كل ماحاولت ابي اكتبله حروف انكسر سن القلم في موضعه مدري اللي يمنعه نفس الكفوف او هي الاقدار يمكن تمنعه ودي ارسله مع الغيمه حلوف واعتذر له اذا اخطيت في يوم معه ............... ............... ............... ..... ......... غاب الحبيب وداخل القلب ماغاب غاب الحبيب ودموع عيني تهله غاب الذي منه القمر صار يرتاب يخشى ويجي في ساحه في محله اقفى الذي قلبي له اليوم طلاب جعل الغمايم وين ما اقفى تظله يغليه قلب عن هوى الحب ماتاب يغليه قلب مارسم غير ظله حبه تمركز داخل القلب وانساب حبه على عرش الخفوق مستحله ............... ............... ............... ..... ...... . . . . . . . . وسلامتكم
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصائد فراق وعتاب | محمد | صهيل القصيد | 12 | 27-09-2009 11:12 PM |
| قصص قصيره مضحكه | محمد | مساحة للضحك والفرفشة | 8 | 26-08-2009 04:58 AM |
| صورة شاب خيط عيونه بعد فراق حبيبته....... | فيافي نجد | احتواء ما لا يحتوى | 17 | 21-08-2009 02:31 PM |
| قصص قصيره مضحكه | سمو الاحساس | مساحة للضحك والفرفشة | 8 | 05-08-2009 02:18 PM |
| قصص قصيره | ابو طارق | حكايات من الوجد | 3 | 06-03-2008 02:04 AM |
 |  |
العرض الشجري
