| |
  |
 |
| |||||||
| صهيل القصيد مقتبسان من بحور القافية [ للشعر المنقول ] |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
05-02-2008, 12:56 PM
| ||||||||||||
| ||||||||||||
مجنونه فيني وانا فيك مجنون 
مقبل عليك بحب واشواق وشجون وبداخلي كل الأحاسيس تختال مجنون فيني أو انا فيك مجنون ماعاد تفرق دامنا خبال فخبال خل العذارى في هوانا يغنـّون للصـّبح لين يجرنا الصبح موال ودي تعرف الناس وشكثر مفتون باللي هواه يشرح الصدر والحال ياولد العطاوي ليتني كنت فرعون واغرق في حبك وابقى للحب تمثال ولا أكون اللي بغيت لك يكون مغرم متيم شاعر الحب خيّال مهووس حبك؟ لا .. أنا فيك مسكون جنـّيتك دايم معي فكل الاحوال لو خيـّروني بينك ومال قارون لاختارك انت مابها شكّ وجدال دامك تمون .. ايعقب غيرك يمون راسي لجل راسك من المتن ينشال مانيب احبك رمش وخدود وعيون حبيتك اخلاق وأحاسيس وافعال فكري بناته من غلاتك يفزّون ماهو بتواضع مير تقدير واجلال اهيم واهديك بشعر حب موزون واسعى مابين الحب والشعر رحال اشباه ليلى خلف سورك يصفـّون والقلب حارس والمعاليق الاقفال انت سحابة شوق تمطرني مزون وان جفّ ماها قلت تكفى ظلال مالك لوا .. ما اخون والله ما اخون عمرك سمعت الطيش قد خان الاطفال؟؟ !! ولا سمعت ابليس وابليس ملعون صام رمضان وزاده بست شوال ؟؟ ماخونك الا لا غدى القبح مزيون ولا أشوف الذل بقلوب الأبطال هذاك وقت ٍ كل شي ٍ به يهون حتى المشاعر فيه بالصدر تغتال وشكثر احبك؟؟ وشكثر؟؟ كثر هالكون؟ مدري ..!! ترى ما شفت للحب مثقال .. يمكن احبك ألف ألفين مليون ولا أحبــكـ موت وامـوت بالحــال ماللمحبه عــد ّ أو طــعــم أو لــون ولاهي قصايد لا سرى الليل تنقال هي الجواب اللي به الناس يلقون تفسير فورة دم حرمه ورجال وانا اشهد ان دمـّي ودمـّك يفورون فورة مشاعر جيل من عرض الاجيال منت((الجوهر)) ... إنت الــدرّ مكـنون من وسط قاع البحر شفتك على الجال شفتك يقين يشيل عن متنه ظنون وذبيتي شالك والحقـه منـي عقــال وقـرّبت منك وانتي تمشين بالهون وبستك على خدك فوق حبة الخال وشفت الشفايف عضت لسان وسنون كنهم يقولون الجفى يالغضي طال وراودت نفسي لا اضيع ويضيعون لاني بجيب العيد في نشوة هبال وصديت صدة يوسف وصحت تكفون خلوا لنا في صفحة الطهر منزال وقلتي : أحبك طيـش واحبك جنون ورديت : احبك لكن بعقـــل وخبـال مختاره لعيون العشاق 
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ول ول ول ول مجنون | سمو الاحساس | لُغَة الصور .. والكاريكاتير الساخِر | 14 | 24-12-2009 10:04 PM |
| وانا ودي اذا جاء موتي اموت وعزتي فيني | محمد | صهيل القصيد | 9 | 27-05-2009 04:09 PM |
| هوايات مجنونه | سمو الاحساس | لُغَة الصور .. والكاريكاتير الساخِر | 13 | 23-04-2009 12:38 PM |
| حوار مجنون وعابد ،، | محمد | احتواء ما لا يحتوى | 18 | 26-10-2008 09:55 PM |
 |  |
العرض الشجري
