| |
  |
 |
| |||||||
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
27-11-2007, 02:45 AM
| |||||||||
| |||||||||
هناء الرومنسيه على الاصوووووول والا بلااش ... ( من سواليف الف ليله وليله الملفـقه ) السلام عليكم ورحمة الله وبركاته ..... وش اخباركم ماااااااعليكم بالطويله .. مره يقالك من بر الوالدين رايح لبيت جدي الاكبر ( سلطآنكـو بيزو عشر ) وانا جالس مع جدي وجدتي بالحوش اصبلهم قهوه وشاهي وهم ماغير يدررررد بون من هالشواهي وانا فااق خشتي انتظر احد يمد فنجاله . طوفريه كلها كراث وحب قرع وحب ملكي ( الي اكثره قشام ) وشابوره وبساكيت ابو ميزان و كليجا والمعمول..الخ وعاد بدا جدي يتغزل بجدتي .. ويتذكرون ايام الصبا . و هي استحت اللهم ياكافي ونزلت عيونها واخذت تداااعب جدايلها بانامل ايديها المتحنيه ووجهها غدا سبع اللوان تقل بيتزا بالخضار حجم وسط بعد .. العـــوٍد آلازٍرٍقـ على هااك الديرمان الي يحووووق حووق بخشتها الي مافيها الا سنن واحدن يلمع من زود ماكرفت المسواك من زود الفرك ومسوووويه توها ام خمس طعش . تستحي وتمايل راسها من زود الحياء ذكرتني بالافلام ايام سعاد حسني ومرفت امين . ينعن شكلهم على هالجو !! واتخيل وشلون تعرفو على بعض ؟ بالشات والا المنتدى ؟ يمكن بايامهم كانت المنتديات من كراتين والمحش بمحل الماووس ؟؟ والا يوم خطمت انا عليهم بسؤال .. جدي وشلون رقمت جدتي وتعرفت عليها ؟؟ رجججججع رجله اربع متر ورجفني هااااك الرجفه ماردني الا اسطوانات الغاز وقال.. انت هااااالحين ماتقولي وش هالسؤال الي زي وجهك ؟ وبعدين كم مررررره قلتلك ولمحتلك وغمز ت لك صرف نفسك اذا شفتنا خاشين جو رومنصي ؟ نفضت غبار الحوش الي على ملابسي ورجعت لمحلي ولا كن شي صار .. وجدتي المصون الى هااااااالحين معج عجه بالهوى العذري وخااشه جووو مع الرومنسيه الي ماتجي الا وقت الضحى نزلت راسي واستحت اناظرهم الا باستراق النظرات بين حين والاخر << مااااااحد يمديه على اللغه والبلاغه و ابطال الفلم الهندي. ماسكين خط الاردن بالكلااااااام والغزل .. هو يررجم الكلام وهي تنغزه وتشد دراعتها التنتر على رجليها انا احبسسسس يالفطــمي حبن ولا حب البخيل لريال .... وامووووت بعيونسس الداعجات بس لوما هالغمص هالي كنه ملعقه حمبص ( حمص ) اح ح ح ح ح ح ح بس ياهالعنق المتصفط هالي كنه لي مكنسه كهرب . بس ماعليه ان شاء الله عمليات شد الوجه بتطال رقبتك لو يدرون الناس عنك كان سموووك فطمي عجرم . من زود حلاااك المحــلي و على سموم القيض الي تداعب فرقا راسك الي كنها كبوت كدلك 82 وجدتي يااااااااالله تتكلم . ومشكله اذا تكلمت ؟؟ دلت تتع تععععع وترتجف تقل ذابحها البرد وبعد شق الانفس نطقت السندرلا انا اثعـد انثــانه عايشه على وجه الارض والثعوديه واثــيا واوربا.. ومن كم ثنه وانا ماحثيت بالي احثبه هالحين ... انا رحمت جدي ... وقلت . جده ماتقدرين تتكلمين بجمله بدون ذكر حرف السين ؟؟ اللتفت علي جدي وعيووونه تطاير شرار ! ؟؟؟ خذ هالقروش وانقز للبقاله وهااااااات لنا كيس صامولي وهات لجدتك اربع زبادي وخبز بـر وفشار برنقز <<< وش عندها مسويه بنت تاكل برنقز !! و تعرفون الشباب يحبون هالسوالف الرومنسيه ومن باب ماجاء باللقافه وحب الاستطلاع نقزت للبقاله حافي الرجلين ( القدمين ) واضف ضف اغراااضن مدري وشهن ... وارجع للبيت ومالتفت لصراخ عيال الحاره ... والا و هم مسكرين باب البيت !! واويييييز من تحت الباب !! جددددد .. هاااااااي انت !؟ يابو الشباااااب ؟؟ ماحولك احد ؟ والله شكل روميو وجوليت جحدووووني !! واتشعمط طبلون الكهرب واطلع على جدار السور . واشوف !!! الا والاخوان قالبينها فديو كليب بالحوش بس بالحركه البطيئه .... ومدري هو انا اضحك ! والا اسكت ؟ والا اقولهم افتحو الباب ؟ وهم ماغير يدو روون على النخله وجدي فاسخ شماغه ومطلعن صلعته هالي كنها صلعه مخاوي الجرح على اني ماشفتها .. وماتسمع الا هالضحك !!؟ بس ضحكهم كنه صوت فرامل جمــس كذا هااااه ( هااكككك هاككك هاككك هاككك .. كحححح كحححح كحم كحو كحط كحش كحم ( <<كحكحه ) هاككككك ..... الخ وجدي ماغير يفترررر وعاض على شفايفه وتتقوطر سعابيله .. وفتاااة الاحلام راااااايحه وطي وانا متابع من فوق السوور وواااقف وشاد عيوني و جسمي كني من جمهور ســـعد لاضيع هجمه ومادريت الا وتتعكرف جدتي بعصا مكنسة الحوش وطاحت بحوض النخله !! ويجيك توم كرووز ويجرها والا يوم مصع يدها قلت يووووووووه بس عز الله الفقس و لزقة ابو اسد بتدهر اليوم .. و هي جالسه خـلـــقه قرمــبع وشلون لا تكرفست بالحوش ؟ الا وانا عجززززززت امسك نفسي . واضحك واضحك نسيت اني فوق السور ولوما اني خبير مناقز و تشعمط الجدران والا كان نشبت بوجهي دله القهوه عقب مارجمها العاشق الولهان ( الولهان ؟ الا قل الورطان ) ويشيل جاك حبيبته ويعيد احداث التايتنك .. ويقرب لها نعالها النايلون ( Boos المطووور ههههههه ) ويتقاضبون مع عتبة البيت ( الدرج ) ويدخلها لغرفتهم وكلهم اوجاع واخزان تقل فريق طالع من المربع بضربات الجزاء ونقزت على كبوت الهايلكس وطحت بالاغراض الي معي على الارض .. ومادريت وش الي شاريهن الا يوم صك براسي قوطي التونه . الفوائد المسسسسستنبطه .. ( والله ماضن فيه فوايد ) 1- لاعمرك تحاول تخش جو رومنسي مع وحده ثرما .. عطني بوثـه !! بثم الله عليك !! << وين تنصرف فيه ذي ؟ 2- تتوقع لو الشياب يناظرون الفديو كليب و الافلام الرومنسيه بيلتفتون لعجايزهم 3- قبل لا تطلع ومامعك مفتاح اسحب المزلاااااج عشان ماينصك الباب عنك 4- مدري ليش اكرر الكلام بالحب و البقاله بسواليفي !! ؟ 5- مالي جده اسمه الفطمي بس حطيت هالاسم كالظروره الشعريه واجدادي الله يرحمهم ويرحم اموات المسلمين. و اتمنى تحوز على رضاكم . كان ودي اضبطهآ وحركاآت واختصآرأت بس الاتصال مأيسمح عندي مره ميح.. تقبلو كل التحيآت العـــود آلازرقـ
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| من قصص الف ليله وليله | محمد | مساحة للضحك والفرفشة | 6 | 03-08-2008 08:43 PM |
| من هواء افضل لاعب | رؤول العرب | الرياضة والشباب | 6 | 20-03-2007 03:14 PM |
 |  |
العرض الشجري
