افضل خدمات dsl بالرويضة

[حفيد مجمش]

السلام عليكم ورحمة الله وبركاته


اسعد الله جميع اوقاتكم بكل خير ..

موضوع مهم تبين لي آثناء ما حصل لي مع شركة الاتصالات السعودية المحترمه ,,

موضوعي ,,

( إعطال خدمة DSL شبه المستمر )

من منا لا يمر عليه شهر بالرويضة الا وحصل له عطل في خدمة DSL ؟؟
آعطال مفاجئ يحصل دائماً في كل شهر ,, كم يوم يكون عطلان ,, تطور الامر الى الشهر الماضي بأنقطاعه علي طوال الشهر ,, استفدت من الخدمه فقط 3 ايام ,, الشهر هذا تعطل الى يومكم هذا 10 ايام ,,

بسبب الكابينة مظغوطه وماتتحمل ويحصل فيها دائماً إعطال ,, والمتضرر الاول المشتركين ,,

تكرر للفني زيارتي والاطلاع على مشكلتي ,, والحل الاخير ,, يوجد تيكت عطلان من الرياض وليس من الرويضة .. التكيت معروف دائماً في العطل لمن يرفع فيه بلاغ بالعطل يأخذ 24 ساعه بعدها يتم أصلاحه ,,

والى الان مر علي اكثر من 72 ساعه ولم ترجع لي الخدمه ,,

الموضوع اللي لازم الكل يكون على بينه منه ,,

يوجد هناك كابينة أتصال جديدة منشأة من بدايه هذا العام 1/1/ 1429 هـ والى الان نحن في عطالات
لماذا لم يتم نقل الكابينة القديمه التي تشغل جميع تقسيمات 21 .. 22 .. 23 .. 24 .. بعد 655 .. للكابينة الجديدة ,, او فك الضغط على الكابينه القديمة بالجديدة ..

المراد بالكابينة القديمة المقابلة للمستشفى من الجهة الغربيه بجوار حائط مدرسة الثانوية ,,

لو تم تفعيل هذه الكابينة الجديدة ,, انحلت مشكال DSL بالرويضة لان طاقتها الاستيعابيه عاليه جداً ,,

بالمعقول 8 اشهر والكابينة مركبة وجاهزة .. ولم يتم أستخدامها ,,
ما الفائده منها اذاً ؟

لماذا لم يتم ترقية المشتركين عليها ؟؟

الى المسؤلين الى متى ونحن في عطل ؟


الموضوع هذا تكلمت فيه لانه صاير معاي ,, وقلت حيلتي من كثرت ماتردت على شركة الاتصالات ,, دون من ينظر في هذه المشكلة ,, كل يوم والاخر غدا سوف يتم اصلاح المشكله ,,


اتمنى ألقى من يتجاوب معاي في موضوعي ياشركة الاتصالات ,,

ما هو الحل الذي ممكن ان تحل هذه المشكله ,, غير الشكوى لان الشكوى مالها اي اعتبار الان ,,


لكم ارق التحايا

حفيد مجمش ( محمد علي السهلي )
:nabd:

[بنبونتة]

الله يكون بعونكم

أنا مو من الرويضة صح بيتعطل معي

بس ما بتوصل لدرجة 10 ايام بالشهر

الحمدلله

[عبدالله ابن فيصل]

ارحب حفيدووووو


و الله انا نعاني من ما تعاني

لكن الاتصالات لاحس ولا خبر

و اذا كلمتهم و سويت بلاغ قالوا بكره الفني بيجيك

و تنطق لك يومين ثلاثة ما جاك احد

انا لي شهر فترة النهار مقطوع من الساعة 8 صباحا حتى 5 العصر

و اذا جاء الفني قال من الرياض واذا كلمة الاعطال قال من الكبينه

مره ضيقت صدورهم ومن مدير الى مدير اخر واحد قال الكبينة الجديدة تبي ترقيه

قلت وراء ما ترقونها الله لا يهينكم قال كيبل الالياف البصرية في الجهة الاخرى من الطريق السريع

و حتى نوصله نحتاج الى قطع الطريق وهذا يترتب عليه التزامات ماليه و تصاريح من وزارة المواصلات و من البلدية

وان شاء الله بيتم ذلك في القريب العاجل لكن هذا الكلام له شهرين و مازلنا ننتظر

[سعود بن عبدالله]

حسبي الله عليهم شركة احتيالات
تصدقون نفس الشي في الرياض نعاني من دي اس ال
قمت طلعت جوال نت وشريحة وصارت مضحكة تفتح مواقع محددة فقط واللي مايعجبها ماتفتحه ويقولون جيل ثالث وسرعة 7 ميجا وهي والله ماتجي ربع ميجا
سؤال
هل جوال نت تشتغل في الرويضة والا موبايلي كونكت وان كان تشغل جربوها يمكن تضبط معكم
وشكرا

[حفيد مجمش]

الله يكون بعونكم

أنا مو من الرويضة صح بيتعطل معي

بس ما بتوصل لدرجة 10 ايام بالشهر

الحمدلله

اللهم امين ,,

لا بتوصل عندنا واكثر ,,

الا الان ولم نشوف اي تغير ,,

نورتي بردك ,, بنبونته ,,

[حفيد مجمش]

عبدالله بن فيصل ,,


حياك الله وانت اظن من اللي يعناون من انقطاع الخدمه والخدمه السية من قبل شركة الاتصالات ,,

وان شاء الله بيتم ذلك في القريب العاجل لكن هذا الكلام له شهرين و مازلنا ننتظر

والله ياعبدالله ما يمك أحد ..

وظف على الشهرين مثلها ولاهي مكفيه ,,

الله يعينك >> واحد مثلك تبيه يواسيك صعبه ههههههههههههه

نورت بردك اخوي ,,

لاكن ما الحل يا عبدالله مع امر الكابينه غير كلامهم لك ؟

لانه بصراحه شبعنا من رد الموظفين لنا بالامر هذا ,, وكل يوم تصريف لنا ومع ذلك تمر الايام ولا فيه احد يحس ,,

تعطلت امور كثيرة لك وأظن انت فاهم علي ,,

من المسؤؤل عن ظياع ما يحصل لنا ,, الدايل اب ليته يمشي الامور ,, لاكن برظه بطئ شديد ممل قعادته في ارجاء المملكه ,,


عبدالله الله يكون في عونك وعوني ,,>> ضحايا الاتصالات :)


دمت بخير

[ابو نـــmkـــواف]

هذا حال شركة الانفصالات

ولا حياة لمن تنادي


ارفعوا اكفكم بالدعاء



<<< ما فصل معه ال دي اس ال

[((~عشق أنثى~))]

الله يعينكم
بس لاتظلمون الرياض
الحمدلله ماينفصل عندنا ولا يتعطل ولله الحمد

شوفو لكم حل مو طبيعي الوضع كذا

[محمد السهلي]

حفيد مجمش : ليتنا من حجنا سالمين هههههههههههههههههه

ليت مدير الاتصالات السابق عبيد بن مشرع ماراح مكتب اتصالات الرويضة في وادي

والمواطنين في وادي واذا داوم موظف تغيب الثاني الافضل يقفلونه ويريحون المواطنين

من زركشته اللي على الفاضي هههههههههههههههه-

عبدالله بن فيصل : خلهم يرقونه على بند الاجور او بند التشغيل الذاتي هههههههههههه

والله اضحك لاننا بازين باتصالاتنا والجيل الثالث ووووووووووو وانا جايب جهاز من الصين

حاولت اشغله رفض ويوم عطيته المهندس قال انت صاحي ؟!!!!

هذا الجيل السابع يبغى لكم في السعودية 10سنين وياصلكم فاكر نفسك اتصالات الصين

قلت اقعد وانثبر ياجوالي بتصير قطعة محنظه ونشارك بك في الجنادريه للتراث

بعد سنوات ان شاء الله والجيل الرابع مابعد وصل ههههههههههههه

سلام احتيالات مثل ماقال ابو عبدالله سعود

[حفيد مجمش]

حسبي الله عليهم شركة احتيالات
تصدقون نفس الشي في الرياض نعاني من دي اس ال
قمت طلعت جوال نت وشريحة وصارت مضحكة تفتح مواقع محددة فقط واللي مايعجبها ماتفتحه ويقولون جيل ثالث وسرعة 7 ميجا وهي والله ماتجي ربع ميجا
سؤال
هل جوال نت تشتغل في الرويضة والا موبايلي كونكت وان كان تشغل جربوها يمكن تضبط معكم
وشكرا

هلا فيك ابو عبدالله ,, والله صدقت شركة احتيالات ,,

الله يعنكم لاتشكي لي ثم ابكيلك :)

هذا اللي صاير واظن الخدمه من الاتصالات وموبايلي بالرويضة بخصوص الشريحه .. فيه من يمدح وفيه من يذم ,, يعني الى الان ما فيه اي تطور ,,


حياك الرب نورت مشاركتك سعود ,,

[حفيد مجمش]

هذا حال شركة الانفصالات

ولا حياة لمن تنادي


ارفعوا اكفكم بالدعاء



<<< ما فصل معه ال دي اس ال


والله من دعوة هههههه .. ليته ينفصل عندك كان انت اول من تظرب فيوزه هههههههه


نورت بردك اخوي

[المرور]

الف شكر على الطرح القيم

وبارك الله فيكم

[عبدالرحمن السهلي]

انا ابغى اسس دي اس ال
لي اكثر من شهر وانا كل اسبوع عندهم يقولون الرويضة عليها ضغط دي اس ال

[<<عطر الجنان>>]

الله ييسر اموركم ان شاء الله

[فيصل الفيصل]

[اللة يكون فى العون

ويصبرنا على الشركة

[بقايا جروووح]

سرق عيني عينك

الله موجود الله موجود<<< متأثر

[abadiii]

أبشرككككككم ركبولي دي اس ال 256
تخيلو ياخذون رسوم تاسيس واشتراك من شهر 6
وماركب عندي بعد
بس ودي اسال سؤال تخبرون الفني الفلبيني باقي موجود ولا لا ؟؟؟
احس انه فاهم اكثر من الي يجي من القويعيه ؟

[حفيد مجمش]

اشكر مروركم جميعاً ,,

اخوي اللي يبي ركب دي اس ال ,, حسب علمي خلال الستة اشهر الماضيه ركب بالرويضة لي ثلاثة مشتركين وبواسطه جامدهـ ,,


اخوي اللي تسال عم الفلبينوا ,, راح عصرهـ ,, الشباب اللي يطلعون من القويعيه فيهم خير وبركه بعضهم فقط ,, واذا تبي احد منهم وفي الخدمه ,, راسلني على الخاص واذا تبي ارقامهم عطيتك ,, وماراح يقصرون ,,

[حفيد مجمش]

ونجدد العطال ونفس المشكله ,,

لم يستجد امر ولا حرك ساكن ,,
وكل شهر يمر يحدث العطل من شركة الاتصالات السعوديه المحترمه ,, وهاء انا و24 مشترك معاي نفس المشكله ,, ولم ينظر في وضعنا من قبلهم كل شخص من الشركه يحول المسئوليه لاغيره ,, وكل يوم راح يتم أصلاح العطل ,, ولم يتم النظر واصلاح المشكله ,,

الجدير بالبذكر نتمتع بعطل لنا 8 ايام حتى الان ,, ولم يتم اصلاح العطل ,, واخر شي توصل لنا انه فيه التماس في مقسم الخاص بالارقام المعطله من المركز الرئيسي من الرياض ,, وانه راح يتم أصلاحها في الايام القادمه ,,
لعل وعسى يصح القول ويتم أصلاح المشكله ,,


:

دمتم

[ابو طارق]

الله يعينكم
خلك تنام بري

[Enter]

الله يعينك ياحفيد جدي
رفعوا ضغطك بالعطلات

^^
يتمتع بخدمه اوكي من شركة الاتصالات هههههههه
الله يعينك بس
واشوا اني بالرياض والا كان علوم

[حفيد مجمش]

الله يعينكم
خلك تنام بري

الله يعين ,,

اي لا بالله انواع النوم :)

[حفيد مجمش]

الله يعينك ياحفيد جدي
رفعوا ضغطك بالعطلات

^^
يتمتع بخدمه اوكي من شركة الاتصالات هههههههه
الله يعينك بس
واشوا اني بالرياض والا كان علوم

اللهم امين يا خووووي ,, لا تقول الا جننوا بي :(


:

لا بالله تمنيت اني عندك ,,

نورت بردك اخوي وتلطيف جوي :)

[حفيد مجمش]

واخر شي توصل لنا انه فيه التماس في مقسم الخاص بالارقام المعطله من المركز الرئيسي من الرياض ,, وانه راح يتم أصلاحها في الايام القادمه ,,
لعل وعسى يصح القول ويتم أصلاح المشكله ,,

ولم يصح القووووووووووووووووول ,,


بالمشكله بالنهايه بعد مرور 10 أيام ,, الكابينه والمقسمات اللي تحتوي عليها معلقه ,, اكتشف ذلك المهندس اللي وصل لنا من الدوادمي ,, وتبين انه الكابينه معلقه ,, في خلف الكابينه مثل المفتاح قام بإطفائه ومن ثم عاود التشغيل ,, وأصبح وضع الكابينه اوكي واصبح الاتصال اوكي :) << وش عقبه عقب ما نقطتوا المر في حلوق المشتركين يا شركة الاتصالات السعودية ,,

بس زرف ولا هنا خدمهـ تجبر بالخاطر ,,

:




لنا اكيد عوده قريبه بشان الانقطاع :) << الله لا يقوله ويبطي بساعته ,,

[همس]

الله يعينكم من جد

..

والمشكله الأشتراك يخلص والشهر يمر


وأنت ما أستفدت منه :(


..


ودمت

[العراب]

والله الاعطاااال هذى صارت ضريبه يوميه ندفعها

كل يوم ولاحياة لمن تنادى

[حفيد مجمش]

الله يعينكم من جد

..

والمشكله الأشتراك يخلص والشهر يمر


وأنت ما أستفدت منه :(


..


ودمت


أيه الله يعين بس والله من أشتراك راااااح علينا ,,على الله العوض ,,


نورتي بردك خيتي ,,

[حفيد مجمش]

والله الاعطاااال هذى صارت ضريبه يوميه ندفعها

كل يوم ولاحياة لمن تنادى

صح كلامك اخوي ,,

لا ويلطف عليك الجو يقلو بإمكانك أسترداد قيمة الايام اللي تعطل فيها ,, وهذا نصب بنصب ,,

نوردت بردك اخوي العراب

[aboOody]

اللهـ يعينكم