11-10-2014, 03:17 PM
|
| |
تعال
تعال ودي لك ابين واوريك
تكفا تجيني لونها نص ساعه
فيها تشوف الي عن الكل معطيك
روحه وقلبه بالمحاني وداعه
لاقبلت هلا بك ولاقفيت يبكيك
ماله على بث المشاعر شجاعه
يقولها حي من الناس شاريك
يمشي لكم بالود سمع وطاعه
يعيدها مره وثاني يناديك
ارفق بجوف لاعج الود لاعه
(لاياخذه غيرك ترا خاطره فيك)
مافل قبلك في المحبه شراعه
وان غابت أناتك وزلت محاريك
ماله على فرقا الولايف مناعه
الله ياهذا على الود يهديك
وحي يودك يا ملئ الود راعه
دامه على كيفك وودك مراعيك
ولادام ود اهل الجفئ والقطاعه
لاعطيت من وده جبينك علابيك
ودك على اول سوم لاجاه باعه
|