مجالس الرويضة لكل العرب - عرض مشاركة واحدة

#1 (**permalink**) 21-02-2014, 01:42 AM

في يوم كانت السيدة فاطمة مريضة ..
فسيدنا علي رضى الله عنه قال لها : يا فاطمة ما يريد قلبك من حلاوة الدنيا ؟

قولي نفسك في إيه !
شايفين الحب !

فقالت : يا علي أشتهي رمانا ..
ففكر شويه .. لإنه مش معاه أي شئ !

فذهب إلى السوق و إستقرض درهما و إشترى به رمانة ..
إستلف فلوس علشان يشتري لها اللي نفسها فيه !

و رجع لها .. و هو في الطريق قابل رجل مريض
فوقف علي و قال له : ما يريد قلبك يا شيخ ؟!
فقال : يا علي خمسة أيام هنا و أنا مطروح و مر الناس علي و لم يلتفت أحد إلي ، يريد قلبي رمانا !

ففكر سيدنا علي و قال لنفسه : إشتريت رمانه واحدة لأجل فاطمة ، فإن أعطيتها لهذا السائل بقيت فاطمة محرومة ! ، و إن لم أعطه خالفت قول الله تعالى (و أما السائل فلا تنهر) .. و النبي صل الله عليه و سلم في قوله (لا تردوا السائل ولو كان على فرس) !

فكسر الرمانه و أطعم الشيخ .. فعوفي !
علشان مهما بلغ حبنا لازم يكون إمتثالنا لأمر الله و رسوله أقوى !

و جاء علي و هو مستحي !
مكسوف من زوجته إنه مجبلهاش اللي نفسها فيه !

و لما رأته فاطمة ..
قامت إليه و ضمته و قالت : أما إنك مغموم ، ف و عزة الله و جلاله إنك لما أطعمت ذلك الشيخ الرمانه زال عن قلبي إشتهاء الرمان !

الله على كلام و رد فعل بنت النبي
ما نكدتش عليه عيشته و قالت له إنت عمرك ما دخلت عليا بحاجه !
ففرح علي بكلامها ..

فأتى رجل فقرع الباب
فقال علي : من أنت ؟
فقال : أنا سلمان الفارسي ، إفتح الباب !

فقام سيدنا علي و فتح الباب و شاف سلمان الفارسي و في إيده طبق متغطي بمنديل و حطه في إيد سيدنا علي

فقال علي : ممن هذا يا سلمان ؟!
فقال : من الله إلى رسوله ، و من الرسول إليك

فكشف الغطاء و لقى فيه تسع رمانات !

فقال : يا سلمان لو كان هذا لي لكان عشرا لقوله تعالى (من جاء بالحسنة فله عشر أمثالها) !
شايفين اليقين و الثقه بالله !

فضحك سلمان .. و أخرج رمانة من كمه و وضعها في الطبق
و قال : يا علي والله كانت عشرا ، و لكن أردت بذلك أن أزداد بك إيمانا !
عمل كده علشان يتعلم من يقين سيدنا علي و ثقته بربنا سبحانه و تعالى !

الله على ده عهد ..
الله على الحب