مجالس الرويضة لكل العرب - عرض مشاركة واحدة

#1 (**permalink**) 27-07-2013, 06:57 AM

انا مش مع
مش إمعه
لكن عيوني بترتجل
دموع بترفض موت برئ في المعمعة
راح اكون مغفل واعترف
الدم مفيهوش تصنيفات
احمر مالوش لون مختلف
والجهلة لسه بيسألو
هو تبع مين اللي مات
بيتاجرو بالجثة اللي بين ايد ربنا
_ شوف كام قتيل من عندهم
وكام قتيل من عندنا
_ ايه اللي وداهم هنا
_ اقتل كمان خلصنا منهم كلهم
وافتح مزاد
وافتح قوسين
_على اسم مصر التاريخ قال البقاء لله
_دلوقتي عاملين العلم هو الكفن
_جنازة بتقابل جنازة وضربو بعض
_ مش كل انواع البشر بيعمرو في الارض
_بس احنا برضه مكملين
متجمعين في الاعلانات