ليت الزمان اللـي جبرنـي اخليـك
يمحي غلاااك اللى سكن فؤادي
ويمسح بدربه دمعي اللـي يناجيـك
ويرجيك من بد الحضـر والبـوادي
وياخذ معاه اللي بقـى مـن لياليـك
ويرتاح قلب من عنا الحـب غـادي
يمكني انسى وقتهـا كـل ماضيـك
ويمكني القى كل مـا فـات عـادي
وارجع اعيش العمر من دون طاريك
واكتم غـلاك اللـي تملـك ودادي
واخاوي جروحي وقلبـي يخاويـك
واخفي عذاب بين الاضـلاع بـادي
مير البلا لا صرت مني وانـا فيـك
وصرت اجمل احلامي وغايه مرادي
في وقتها وشلـون بقـدر اجافيـك
ووشلون باقوى يـا حبيبـي بعـادي
عهد علي ما دمت انا حي بارجيـك
ويبقى غلاك اصدق غلا في فـؤادي
عهد علي ما دمت انا حي بارجيـك
ويبقى غلاك اصدق غلا في فـؤادي