مجالس الرويضة لكل العرب - عرض مشاركة واحدة

#1 (**permalink**) 18-06-2013, 10:29 AM

هذه القصيدة للشاعر الكبير المعروف عبدالله بن صقيه التميمي في مدح السهول
السهـول ان حلـو اشبـاح الحرايـب كـم حبـيـبِ يفرقـونـه مــن حبيـبـه
يـاوبــال الـخـيـل يـاريــف الـركـايـب يالنـمـور الـلـي مظاربـكـم عطيـبـه
ريفهـن لامـن كبـو خـطـوا الـزلايـب يـاصـنـاديــدٍ مـنـاسـبـكـم عـريــبــه
تعـرفـون بـيـوم تنـطـيـل العـصـايـب لادنــا خـطـوا حـريـب ٍ مــن حريـبـه
مـا يخـيـف قلوبـكـم كـثـر الكتـايـب كــل مـمـرورٍ يـصــادم لـــه كتـيـبـه
كم شبابِ بات ممـا شـاف شايـب فعلكم فـي كـل ديـوان ٍ حكـي بـه
انتـم اللـي حطكـم ربــي عطـايـب كــل قـايـد سـربـةٍ تتـمـون صـيـبـه
وانتم اهل الباس لانسنس هبايب وانتـم اللـي مــا تحـطـون الرقيـبـه
وانتـم العقبـان فـي حــل النـوايـب جرحكم وسط الفتى يصعب طبيبه
مــن عوايـدكـم بنادقـكـم عـطـايـب مــا تـثـور الا عـلـى حــد الضـريـبـه
مطلـق الجربـا عريـبٍ مــن عـرايـب مـن فعايلكـم حليلـه شــق جيـبـه
طيبكـم تـدري بــه ارجــالٍ اطـايـب والردي لو سـب خيبـه مـا دري بـه

وأقول صح لسان الشاعر عبد الله بن صقيه وبيض الله وجهه
على هذه القصيدة وما على قبيلة ابو علي زود بني تميم الذي قال
عنهم المصطفى صلى الله عليه وسلم اشد امتي على الدجال بنو تيمم
أو كما قال صلى الله عليه وسلم