مجالس الرويضة لكل العرب - عرض مشاركة واحدة

#1 (**permalink**) 15-05-2013, 02:12 AM

أنا لما قلبي بيعشقك
بكتب ف وصفك .. لكني معرفش أوصفك
وأنا لماقلبي بيعشقك
برسم ملامحك
شمس وقمر .. نجمه وسحاب وارسمك
في القلب وشم
صوره واقول .. دي تشبهك
ياأم القمر يوسف
مين ده اللي يعرف يوصفك ؟
من رمش عيني بخاف عليكي
وأخاف لعيني تحسدك
وعشان كده بحلم أضمك في حشايا
ومن تاني أرجع أولدك
فتكوني حوا من ضلع أدم
من نظره أولي أعشقك
اكتب في وصفك .. لكني معرفش أوصفك
سبحانه خالق أبدعك
وهبك جمال الروح .. وهو قادر يوهبك
ابن بطنك يعجبك
يسند الضهر اللي مال
يبقي اب وعم جد وخال
لسلسال العيال
اللي بكره جي ليهم
حي فيهم
مش هيمشي الا بيهم
بس أدعي ميتهوش
ولا تلبسهم وشوش أنس .. جان
يبعدوا عنا زمان
والبعيد مش قريب م القلب اللي ملان احزان
لااحنا ع البعد نقدر ولا علي النسيان
ياأم القمر ان غاب قمر فانتي الأساس
التربه والرحم العفي
من تاني ترجعي تولدي

............... ............... ............... ..............

مين ده اللي يعرف يوصفك
ياللي قلبي بيعشقك
ويقول بلادي هوصفك
لكني معرفش أوصفك
ياأم القمر يابلادى من ضلعي تاني هولدك