11-10-2012, 06:13 PM
|
| |
شيخة الزين
ياقاهرة كل البني ياشيخة الزين الشهير ........... يام العيون الساحره وام الجديل الاشقرى
ياعين ريم(ن) مع جفيل الصيد قلبه مستذير ........... ياعين حر(ن) في مواكر ماكره عالي كرى
ياطب من به علة(ن) طب الدكاتر به يحير ........... ياطب قلب(ن) في زمانه من جروحه مابرى
اقري عناوين المحبه وسط نظرات الأسير ........... ماغيرك احد(ن) حبها فالدم ينساب وجرى
لك طلة(ن) بين العذارى كنها البدر المنير ........... بين النجوم اليا استوى وانور جبينه واسفرى
اليا حضرتي في حضورك هيبتك هيبة أمير ........... هيبة شموخ(ن) في شموخك هيبة(ن) ماتقهرى
وانا اذكر الله لاعرضتي والبني خلفك تسير ........... سواة زينك ماذكر فاهل المدن واهل القرى
يندر جمالك مثل ماتندر حروف ابن الأثير ........... فيك الجمال الفارسي، فيك الصفات الندرى
فيك الحيا، فيك الحلا، فيك الرشاقه غير غير ........... ياقايد الغزلان، دق الوسط فيك مخصرى
لبى عيونك، كن خشمك سلة السيف الشيطر ........... وايضى الشفاه محدده مابين بني واسمرى
وحواجب(ن) في وصفها قوس الهلال المستدير ........... وعكش الرموش منوعسه بجفونها ومخدرى
والعنق، ياعنق المهى اللي كن عنقك له نظير ........... كن النهد رمان توه في نضوجه واصغرى
والبطن ضامر من يشوفه ضن فيك انك فقير ........... والردف يعكس غطرسة اهل الترف واهل الثرى
والساق مدموجه وفيها سر والخافي خطير ........... اقوى علامه من علامات الجمال المبهرى
يابخت من ياخذ شهيق اليا تنفستي زفير ........... ويجذب شهد ريقك بدلوه لين يروى ويشكرى
|