29-09-2012, 04:45 PM
|
| |
رد: بوح الاحساس
ابا اركب الصّعبه علشـان موضـوع
لـو كـان مانـي هاقيـاً بالنكوفـه
تكفون .. يا اهل المنتدى جالي اسبوع
ما ارقد ولا اقيّـل وأعيـش بكلوفـه
لا ينزل الموضوع .. خلـوه مرفـوع
من شان محبوبي ليـا جـاء يشوفـه
لي قصّةٍ صارت مثـل حبّـة الكـوع
لاحـدّت الرجـال سطـوة ظـروفـه
اغوتني الدنيا علـى فتـح مشـروع
قلبـي رسـا ميلـه وهمّـي قطوفـه
مشروع حبٍ غصب عنّي بـلا طـوع
انقدت له من غيـر عـذر وحسوفـه
ورعٍ حفر صـدري بشلفـا وفـاروع
واخلـف كيانـي واعتـذر بمعروفـه
اعطش لصوته ثم على شوفه اجـوع
واحن لـه مثـل الخلـوج العطوفـه
وارقد على طيفه دقيقـه ثـم افـوع
واغمّض عيونـي واخايـل وصوفـه
بالله قولو له تـرى القلـب مفجـوع
واعـروق قلبـي صايبتهـا نِشُوفَـه
امّا يُعُود وكـل مـا فـات مرجـوع
ولاّ يوادعنـي .. بلمسـة كفـوفـه |