29-09-2012, 04:32 PM
|
| |
رد: بوح الاحساس
كل الشياطين تسجن مع قـدوم رمضـان
إلاّ شياطيـن شعـري عيّـت تصفّـدي
تزاحمت زحمة الشيّـاب عنـد الضمـان
الكلّ منهـا يقـول أوامـرك يـا بعَـدي
والشعر مشاعـرٍ يبغـى لهـا ترجمـان
أدنـاة حاجـة تحرّكهـا تجيـك تـعـدي
تنبع من القلب ويخبّـرك عنهـا اللسـان
ويطرب لها قلب غيرك حين مـا تبتـدي
وشعرٍ بليّـا مشاعـر يجلـب الإحتقـان
وشعرٍ على غيـر معنـى ينتسمّـى ردي
ومشاعـري حرّكَتْهـا شوفـةٍ هالزمـان
خلّت بيوت القصيـدة خاتـمٍ فـي يـدي
سلّمت عيني لها لو كـان مانـي جَبـان
أثْر الحلا سمّ قاتل " هبّ أنا أبو ولـدي "
وصدّيت قالت من انته قلت شاهد عيـان
أشاهد آيات رب الكون , بـس إركـدي
قالت تغزّل علـى كيفـك وصـدّر بيـان
قلت أمنية ؟ قالت اللي تشوف يا سيّـدي
عاداتنـا للأمانـي مطلقـيـن العـنـان
لو إنها بعد الأرض عن القمـر والجـدي
يا ليتني في مكانـك يـا حـزام الأمـان
لو إني أعرفك ما انتـه فاهـمٍ مقصـدي
لكن عزّ الله إنك جيت ف " أحسن مكان "
قالت وش تقول يا مجنون قلـت إهجـدي
بـلاك مـا تعرفيـن إن المحبـة جنـان
على سببها عقول أهـل العقـول تغـدي
إن متّ مانـي بـالأول والله المستعـان
كمّ مات قبلي وكم يمكـن يمـوت بعـدي
|