12-09-2012, 11:27 PM
|
| |
عروق الوصل
يمكن يكون الشوق عنـدك هوايـة
واقرب وسيلة للمشاعر والاحسـاس
لكن عـذاب الشـوق مالـه نهايـة
ناظر عروقي للوصل كيـف يبّـاس
وصلك بوسط القلب سـوّى دعايـة
وحظي دفع حق الدعايـة بالافـلاس
راعي .. عشانك كسّر اليـوم نايـه
والناي عنده روح واحساس وانفاس
ودي ابيـن لـك فصـول الروايـة
وشلون ابين (والوفا) بين الاقواس
اقـول حالـي بعـد فرقـاك آيــة
يجفّل اللي ديدنه ضرب الاخماس ؟!!
والا أقول ان العمر منـك تايـه؟!!
والا أقول ان الرضا فيك وسواس؟!!
والا أقـول ان المعالـيـق رايــة
ياسرع هزتها مع كـل نسنـاس؟!!
والا أقول ان العقل ضـاع رايـه؟!!
سبحان منهو خالق الناس اجنـاس
لكـن تفضـل موجـزي للحكـايـة
بيت ٍ يبين حالتي ياخـوى الـراس
شفت الهوى لامن لعب في العبايـة
والبنت منحرجة من عيون هالناس؟
هذيك هي بالضبـط قصـة هوايـه
ابغى الستيرة لكن الوضع منحـاس
</b></i>
|