تعزف لك اوتاري على موق عينك
والى انتهى صبري اناديك برفوق


تعال ياللي كامل الوصف زينك
طيفك يلالي مثل نجمات وبروق


فديت روحك ....... ووجنتينك ولونك
وش لي بنور الشمس دامك لي شروق


يا محلى نفحاتك ومحلى دخونك
ما بينك وبين العطر أية فروق


تفوح النديا في هبايب مزونك
وتنعش نسايم طلتك وجد محروق


عزي لعين جرحتها ظنونك
واوجاع عمر(ن) في دجى الليل مسروق


يقطع غيابك ويقطع الله جنونك
مع كل هذا مالك القلب يا ذوق


ماني من اللي يعشقك ثم يخونك
انا اغرسك وسط الحشا بين العروق


سمعني صوتك هات آخر لحونك
عجل ذبحني الشوق وامسيت مصفوق